28 اکتوبر ، 2023 
کوہاٹ میں جیو نیوز کے رپورٹر یاسر شاہ پر نامعلوم ملزمان کی فائرنگ
28 اکتوبر ، 2023
جیو نیوز کوہاٹ کے رپورٹر یاسرشاہ اور کیمرا مین پر نامعلوم افراد نے فائرنگ کی ہے۔
کوہاٹ میں راولپنڈی روڈ پر موٹر سائیکل سوار نامعلوم افراد نے فائرنگ کی، فائرنگ کے بعد ملزمان جائے وقوعہ سے فرار ہوگئے۔
یاسر شاہ کیمرا مین کے ہمراہ مکھڈ شریف عرس کی کوریج سے واپس آرہے تھے کہ ملزمان نے ان پر فائرنگ کی۔
پولیس کے مطابق ملزمان کی فائرنگ کے دوران موٹر سائیکل سےگرکر یاسر شاہ اور کیمرا مین زخمی ہوگئے۔
یاسر شاہ اور کیمرا مین کو ڈسٹرکٹ ہیڈ کوارٹر اسپتال منتقل کردیا گیا ہے۔
خیال رہے کہ چند ماہ قبل کوہاٹ میں جیو نیوز کے نمائندے یاسر شاہ کے گھر پر دستی بم حملہ اور فائرنگ بھی کی گئی تھی، حملے میں یاسر شاہ اور ان کے اہل خانہ محفوظ رہے تھے۔
یاسر شاہ 2007 سے جنگ اور جیو نیوز کے نمائندے ہیں اور انہیں طویل عرصے سے دھمکیاں مل رہی ہیں۔
