31 اکتوبر ، 2023 
پاکستان
فوٹو: فائل
پی ٹی آئی پشاور کے صدر اور سابق ایم این اے ارباب شیرعلی پر بجلی چوری کا مقدمہ درج
31 اکتوبر ، 2023
پاکستان تحریک انصاف (پی ٹی آئی) پشاور کے صدر اور سابق ممبر قومی اسمبلی (ایم این اے) ارباب شیر علی کے خلاف بجلی چوری کا مقدمہ درج کرلیا گیا۔
تھانہ تہکال میں ایس ڈی او پیسکو یونیورسٹی ٹاؤن کی مدعیت میں ارباب شیر علی کے خلاف مقدمہ درج کیا گیا ہے۔
ایف آئی آر میں لکھا گیا ہےکہ پیسکو کی جانب سے بجلی چوری کے خلاف تہکال اور محلقہ علاقوں میں کارروائی کی جارہی تھی کہ اس دوران دیکھا گیا کہ ارباب شیرعلی کے گھر سےکنڈے لگا کر بجلی چوری کی جا رہی ہے، پیسکو حکام نے فوری کارروائی کرتے ہوئے غیرقانونی کنڈے ہٹا دیے۔
پولیس نے ایف آئی آر درج کرکے ملزم کے خلاف کارروائی شروع کردی ہے۔
