گاجر کا حلوہ کھانے سے صحت کو ہونے والے حیران کن فوائد

موسم سرما میں بیشتر افراد گاجر کا حلوہ کھانا پسند کرتے ہیں۔

اکثر دعوتیں اس کے بغیر نامکمل سمجھ جاتی ہیں۔

موسم سرما کی اس سوغات کی تیاری کے لیے گاجروں کے ساتھ ساتھ چینی، دودھ، کھویا اور خشک میوہ جات کا استعمال ہوتا ہے۔

مگر کیا اسے کھانے سے صحت کو کوئی فائدہ ہوتا ہے؟

کیا چکن سوپ پینے سے صحت کو کوئی فائدہ ہوتا ہے؟

موسم سرما میں موسمی نزلہ زکام، فلو اور کھانسی وغیرہ جیسی بیماریوں کے علاج کے لیے بیشتر افراد چکن سوپ کا سہارا لیتے ہیں۔

اس کا جواب سادہ نہیں بلکہ اس کا انحصار اس بات پر ہوتا ہے کہ آپ گاجر کا حلوہ کتنا کھاتے ہیں۔

چینی اور چکنائی کے باعث گاجر کا حلوہ روزانہ کھانے کی عادت تو نقصان دہ ثابت ہوسکتی ہے۔

مگر ہفتے میں ایک یا 2 بار معتدل مقدار میں اسے کھانے سے صحت کو فائدہ ہوتا ہے۔

اس کے چند فوائد درج ذیل ہیں۔

وہ 15 عام عادات جو قبل از وقت بڑھاپے کا شکار بنا دیتی ہیں

کیا آپ کو معلوم ہے کہ آپ کی چند عادات سے بھی بڑھاپے کی جانب سفر تیز ہو جاتا ہے؟

بینائی کے لیے مفید

اس حلوے کا بنیادی جز گاجر ہے جب ہی تو اسے گاجر کا حلوہ کہا جاتا ہے۔

گاجر میں بیٹا کیروٹین کی مقدار بہت زیادہ ہوتی ہے جو جسم میں جاکر وٹامن اے کی شکل اختیار کرتی ہے۔

بینائی کے لیے یہ وٹامن بہت اہم ہوتا ہے اور یہی وجہ ہے کہ گاجر کا حلوہ کھانے سے بینائی کو بہتر بنانے میں مدد مل سکتی ہے۔

تولیے کو کتنے دن استعمال کرنے کے بعد بدل دینا چاہیے؟

کیا ایک ہی تولیے کو بار بار استعمال کرنے سے صحت متاثر تو نہیں ہوتی؟

مدافعتی نظام مضبوط ہوتا ہے

گاجر موسم سرما کی سبزی ہے اور اسے کھانے سے سرد موسم میں مدافعتی نظام کو مضبوط بنانے میں مدد ملتی ہے۔

اس میں موجود وٹامن سی مدافعتی نظام کو مضبوط بناتا ہے جس سے موسمی بیماریوں سے تحفظ ملتا ہے۔

اس کے ساتھ ساتھ گاجر کے حلوے میں موجود خشک میوہ اور گھی سے بھی مدافعتی نظام کو فائدہ ہوتا ہے۔

کیا آپ کے ہاتھ پیر ہمیشہ ٹھنڈے رہتے ہیں؟ تو اس کی وجہ جان لیں

ہر وقت ہاتھوں اور پیروں کی انگلیاں ٹھنڈی رہنا کسی طبی مسئلے کا اشارہ بھی ہو سکتا ہے۔

غذائی اجزا سے بھرپور

اس حلوے میں گاجروں کے ساتھ ساتھ دودھ، گھی اور گریاں جیسے اجزا موجود ہوتے ہیں۔

یہ سب صحت کے لیے مفید ہوتے ہیں اور ان سے جسم کو صحت کے لیے مفید متعدد اجزا ملتے ہیں، مثال کے طور پر دودھ میں پروٹین، وٹامنز، کیلشیئم اور میگنیشم جیسے اجزا ہوتے ہیں۔

گریوں میں اینٹی آکسائیڈنٹس، پروٹین اور صحت کے لیے مفید چکنائی ہوتی ہے۔

تناؤ جیسے عام مسئلے سے بچنا بہت آسان

بہت زیادہ تناؤ شخصیت پر جسمانی اور ذہنی اعتبار سے منفی اثرات مرتب کرسکتا ہے بلکہ مختلف امراض کا شکار بھی کرسکتا ہے۔

گاجر میں وٹامن اے، سی اور کے (K) کے ساتھ ساتھ فائبر بھی موجود ہوتا ہے جس سے نظام ہاضمہ بھی بہتر ہوتا ہے۔

جِلد اور ہڈیوں کے لیے مفید

گاجر میں موجود وٹامن اے اور سی کے باعث اس حلوے کو کھانے سے جِلد کی صحت کو بھی فائدہ ہوتا ہے۔

اس کے ساتھ ساتھ دودھ میں موجود کیلشیئم سے ہڈیوں کی صحت کو فائدہ ہوتا ہے اور ہڈیاں مضبوط بنانے میں مدد ملتی ہے۔

کیا کشمش کو پانی میں بھگو کر کھانا صحت کے لیے مفید ہوتا ہے؟

کشمش کو غذائی اجزا اور کیلوریز سے بھرپور میوہ خیال کیا جاتا ہے۔

سرد موسم کے اثرات سے تحفظ

اس حلوے کو کچھ افراد گرم کھانا پسند کرتے ہیں جبکہ کچھ ٹھنڈے حلوے کے شوقین ہوتے ہیں۔

آپ کی پسند جو بھی ہو مگر اسے کھانے سے موسم سرما کی ٹھنڈ سے کسی حد تک تحفظ ملتا ہے۔

ماہرین کے مطابق اس حلوے میں موجود گھی ایسا سپر فوڈ ہے جو جسم کو گرم رکھنے میں مدد فراہم کرتا ہے اور سردی کا احساس کم کرتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔