08 دسمبر ، 2023 
پاکستان
عمران خان کے وکیل شیر افضل مروت کو چکدرہ سے اغوا کیا گیا ہے: پی ٹی آئی کا دعویٰ— فوٹو:فائل
— فوٹو: اسکرین گریب
کے پی پولیس کی شیر افضل مروت کی گرفتاری کے پی ٹی آئی کے دعوے کی تردید
08 دسمبر ، 2023
خیبرپختونخوا پولیس نے عمران خان کے وکیل شیر افضل مروت کی گرفتاری کی پاکستان تحریک انصاف (پی ٹی آئی) کے دعوے کی تردید کردی۔
پی ٹی آئی کے آفیشل ایکس اکاؤنٹ سے ٹوئٹ کی گئی کہ عمران خان کے وکیل شیر افضل مروت کو چکدرہ سے اغوا کیا گیا ہے۔
تحریک انصاف نے کہا کہ شیر افضل مروت باجوڑ کنونشن میں شرکت کے لیے جا رہے تھے۔
تحریک انصاف کا کہنا ہے کہ غیر قانونی گرفتاریوں اور اغوا کے معاملے کا جلد نوٹس لیا جائے۔
تاہم اب پختونخوا پولیس نے پی ٹی آئی کے دعوےکی تردید کردی ہے اور ڈپٹی انسپکٹر جنرل (ڈی آئی جی) مالاکنڈ نے کہا کہ شیر افضل مروت کو گرفتار نہیں کیا گیا۔
