19 جنوری ، 2013 
پنجاب:ینگ ڈاکٹرز کی سرکاری اسپتالوں کے آوٴٹ ڈورز میں ہڑتال
19 جنوری ، 2013
لاہور…پنجاب کے سرکاری اسپتالوں کے آوٴٹ ڈورز میں ینگ ڈاکٹرز کی ہڑتال چوتھے روز بھی جاری ہے،،ہڑتالی ڈاکٹرز کیمپ لگا کر مریض چیک کر رہے ہیں،دوسری طرف محکمہ صحت پنجاب نے ہڑتالی ڈاکٹروں کو غیر حاضری کے نوٹس جاری کرتے ہوئے پیڈا ایکٹ کے تحت کارروائی شروع کر دی ہے۔ینگ ڈاکٹرزنے سرکاری اسپتالوں کے آوٴٹ ڈورزمیں کام بندکرکے باہر کیمپ لگارکھے ہیں،،تاہم اسپتالوں کی انتظامیہ ان کی پرچیوں پرنہ مریضوں کے ٹیسٹ کر رہی ہے اور نہ ہی ادویات دے رہی ہے،ینگ ڈاکٹرزکاکہنا ہے کہ حکومت تبادلوں اورمعطلیوں کے بعد پیڈا یکٹ کا شوق بھی پورا کر لے،ہڑتال ختم نہیں کریں گے،اُدھرمحکمہ صحت پنجاب نے آوٴٹ ڈورز میں کام نہ کرنے والے ڈاکٹروں کو غیر حاضری کے نوٹس جاری کردیئے اوروائی ڈی اے پنجاب کے صدر ڈاکٹر جاوید آہیر سمیت درجنوں ڈاکٹروں کے خلاف پیڈا ایکٹ کے تحت کارروائی شروع کر دی۔محکمے کاکہنا ہے کہ تمام آوٴٹ ڈورز میں معمول کے مطابق کام جاری ہے۔
