26 دسمبر ، 2023 
لاہور ہائیکورٹ: زرتاج گُل کے کاغذات نامزدگی سے متعلق دائر درخواست مسترد
26 دسمبر ، 2023
لاہور ہائی کورٹ ملتان بینچ نے پاکستان تحریک انصاف کی روپوش رہنما زرتاج گُل کے کاغذات نامزدگی سے متعلق دائر درخواست مسترد کردی۔
ہائی کورٹ ملتان بینچ میں پی ٹی آئی رہنما زرتاج گُل کےکاغذات نامزدگی کیس کی سماعت ہوئی۔
عدالت نے زرتاج گُل کے کاغذات نامزدگی سے متعلق دائر درخواست مستردکردی۔ جسٹس محمد سرفراز ڈوگر نے زرتاج گل کے عدالت میں پیش نہ ہونے پر درخواست مسترد کی۔
دوسری جانب نامعلوم مقام سے جاری بیان زرتاج گل کا کہنا تھاکہ مجھے گرفتار کرنے کیلئے ذاتی حیثیت میں طلب کیا جارہا ہے، ہر فورم پر اپیل کروں گی۔
خیال رہے کہ زرتاج گل کی جانب سے آر او کے کاغذات نامزدگی پر لگائے اعتراضات پر لاہور ہائی کورٹ سے رجوع کیا گیا تھا۔ انہوں نے ڈی جی خان کے حلقہ این اے 185 سے کاغذات نامزدگی جمع کرائے تھے۔
