آسٹریلیا سے شکست، ٹیم ڈائیریکٹر پاکستان نے امپائر کال پر سوال اٹھا دیا

میلبرن ٹیسٹ میں  آسٹریلیا کے ہاتھوں شکست کے بعد پاکستان کے ٹیم ڈائیریکٹر محمد حفیظ نے امپائر کال پر سوال اٹھا دیا۔

محمد حفیظ نے کہا کہ امپائرز کے فیصلوں میں تسلسل نہیں جس کا ہمیں نقصان ہوا، ٹیکنالوجی میں خامی کی وجہ سے وہ نتائج نہیں ملے جو ہم چاہتے تھے۔

انہوں نے کہا کہ کئی مرتبہ ٹیکنالوجی وہ دکھاتی ہے جو کرکٹ کی روح کے مطابق نہیں ہوتا، بہتری کی گنجائش ہمیشہ رہتی ہے اور ہم سب بہتری چاہتے ہیں۔

انہوں نے کہا کہ امپائر کال پر شک رہتا ہے ایک ہی امپائر کال کبھی فیور میں جاتی ہے اور کبھی خلاف چلی جاتی ہے، جو اسپیشل ہٹنگ دا بال ہے اس پر ہمیشہ آؤٹ ہونا چاہیے، جب بھی بال تین اسٹمپ کو لگے گا وہ آؤٹ ہوتا ہے، یہ کیسے ہو سکتا ہے کہ امپائر کال کی وجہ سے ایک ٹیم فائدہ اٹھائے اور فیصلہ دوسری ٹیم کے خلاف جائے، اس ایریا میں بہتری کی گنجائش ہے۔

پریس کانفرنس کے دوران محمد حفیظ کا کہنا تھا میلبرن ٹیسٹ میں ٹیم کی کارکردگی سے مطمئن ہوں، میچ کے اختتام سے آدھے گھنٹے تک ہماری پوزیشن اچھی تھی لیکن اہم موقع پر غلطیاں ہوئیں جس سے میچ ہار گئے، رضوان کے آؤٹ والا فیصلہ بھی ٹرننگ پوائنٹ ثابت ہوا۔

ٹیم کاکردگی سے مطمئن ہوں، اہم لمحات میں غلطیوں سے میلبرن ٹیسٹ ہار گئے: حفیظ

ٹیسٹ کے اختتام سے آدھے گھنٹے تک ہماری بھی جیت نظر آرہی تھی، رضوان کا فیصلہ ایسا ہوا جہاں سے میلبرن ٹیسٹ پلٹ گیا: ٹیم ڈائریکٹر

میلبرن ٹیسٹ میں پاکستان کو 79 رنز سے شکست، آسٹریلیا کو سیریز میں فیصلہ کن برتری حاصل

پاکستانی ٹیم دوسری اننگز میں 237 رنز پر آؤٹ ہو گئی، آسٹریلیا کی جانب سے پیٹ کمنز نے 5 کھلاڑیوں کو آؤٹ کیا