03 جنوری ، 2024 
پاکستان
آصف زرداری نے پیپلزپارٹی کی طرف سے وزیراعظم کے امیدوار کے طور پر بلاول بھٹو زرداری کا نام پیش کیا— فوٹو:فائل
بلاول پی پی کیجانب سے وزیراعظم کے امیدوار ہوں گے، سی ای سی نے منظوری دے دی
03 جنوری ، 2024
پاکستان پیپلزپارٹی کی جانب سے چیئرمین پارٹی بلاول بھٹو زرداری وزیراعظم کے امیدوار ہوں گے۔
لاہور میں پیپلز پارٹی کی سینٹرل ایگزیکٹو کمیٹی (سی ای سی) کا بلاول ہاؤس میں اجلاس ہوا جس میں یوسف رضا گیلانی، مہدی شاہ، قمر زمان کائرہ، منظور وسان اور دیگر شریک ہوئے۔
اجلاس میں انتخابی مہم اور منشور کے حوالے سے بات چیت کی گئی، اس کے ملکی سیاسی صورتحال اور انتخابات کے حوالے سے سیاسی رابطوں پر بھی گفتگو ہوئی۔
آصف زرداری نے پیپلزپارٹی کی طرف سے وزیراعظم کے امیدوار کے طور پر بلاول بھٹو زرداری کا نام پیش کیا۔
سی ای سی نے بلاول بھٹو زرداری کا نام وزیراعظم کے امیدوار کے طور پر منظورکرلیا۔
