پنڈی میں فائرنگ، جے یو آئی کے امیدوار مولانا ریحان زخمی

راولپنڈی میں نامعلوم افراد کی فائرنگ میں جمعیت علمائے اسلام کے امیدوار مولانا ریحان جمیل زخمی ہوگئے۔

پولیس کے مطابق تھانہ نصیرآباد کی حدود میں این اے 46 سے جے یو آئی کے امیدوار مولانا ریحان جمیل پر نامعلوم موٹر سائیکل سواروں  نے فائرنگ کی۔

پولیس کا کہنا ہے کہ مولانا ریحان کو زخمی حالت میں اسپتال منتقل کردیا گیا ہے جہاں ان کا علاج جاری ہے۔

خیال رہے کہ گزشتہ دنوں باجوڑ میں گاڑی کے قریب بم دھماکا کیا گیا تھا جس میں جے یو آئی امیدوار قاری خیراللہ محفوظ رہے تھے۔

باجوڑ میں گاڑی کے قریب بم دھماکا، جے یو آئی امیدوار قاری خیراللہ محفوظ رہے

دھماکہ خیز مواد سڑک کنارے نصب کیا گیا تھا جس کے پھٹنے سے گاڑی کو جزوی نقصان پہنچا: ڈی پی او