03 جنوری ، 2024 
پاکستان
باجوڑ میں گاڑی کے قریب بم دھماکا، جے یو آئی امیدوار قاری خیراللہ محفوظ رہے
03 جنوری ، 2024
باجوڑ میں جمعیت علمائے اسلام کے رہنما قاری خیراللہ کی گاڑی کو ریموٹ کنٹرول بم سے نشانہ بنایا گیا۔
ضلعی پولیس آفیسر کے مطابق باجوڑ کے علاقے برکمر میں خیر اللہ کی گاڑی کے قریب ریموٹ کنٹرول بم دھماکا ہوا۔
دھماکے میں پی کے 19 سے جے یو آئی کے امیدوار قاری خیراللہ محفوظ رہے۔
ڈی پی او نے بتایاکہ دھماکہ خیز مواد سڑک کنارے نصب کیا گیا تھا جس کے پھٹنے سے گاڑی کو جزوی نقصان پہنچا۔
ان کا کہنا تھاکہ واقعے کے بعد پولیس نے سرچ آپریشن شروع کردیا ہے۔
