بادام بھگو کر کھانے سے صحت کو ہونے والے 10 فوائد

بادام صحت کے لیے بہت مفید ہوتے ہیں جس کی وجہ اس گری میں فائبر، وٹامن ای اور دیگر غذائی اجزا کی موجودگی ہے۔

مگر بیشتر افراد کے خیال میں باداموں کو پانی میں بھگو کر کھانا صحت کے لیے زیادہ فائدہ مند ہوتا ہے۔

درحقیقت ایسے افراد کی کمی نہیں جو رات بھر باداموں کو کسی برتن میں بھگو کر رکھتے ہیں اور صبح کھالیتے ہیں۔

مگر اس کے ساتھ ساتھ یہ بھی حقیقت کے خشک بادام بھی صحت کے لیے بہت زیادہ مفید ثابت ہوتے ہیں۔

ہائی بلڈ پریشر جیسے مرض کو آپ سے دور رکھنے کے لیے بہترین غذائیں

صحت کے لیے فائدہ مند طرز زندگی سے اس بیماری کا شکار ہونے سے بچنے میں مدد مل سکتی ہے۔

البتہ اگر آپ بادام بھگو کر کھانا پسند کرتے ہیں تو اس کے چند فوائد جان لیں۔

غذائی اعتبار سے زیادہ بہتر ہوتے ہیں

بادام بھگونے سے ان میں موجود مختلف اجزا جیسے tannins اور آکسلیٹس کی مقدار کم ہو جاتی ہے۔

یہ اجزا دیگر غذائی اجزا کے جذب ہونے کے عمل میں رکاوٹ بنتے ہیں جبکہ ان کی مقدار میں کمی سے بادام غذائی اعتبار سے زیادہ مفید ہو جاتے ہیں۔

دماغ کے لیے ایسی تباہ کن عادات جو بیشتر افراد اپنا لیتے ہیں

حیران کن طور پر یہ عادات بہت عام ہیں اور بیشتر افراد انہیں بے ضرر تصور کرتے ہیں۔

اجزا کے جذب ہونے کا عمل بہتر ہو جاتا ہے

بادام بھگو کر رکھنے سے phytic ایسڈ کے ٹکڑے کرنے میں مدد ملتی ہے۔

یہ ایسڈ بادام کے چھلکے میں موجود ہوتا ہے اور اس کے ٹکڑے ہونے سے میگنیشم، کیلشیئم اور آئرن جیسے اجزا کا جسم میں جذب ہونے کا عمل بہتر ہو جاتا ہے۔

ہاضمہ بہتر ہوتا ہے

پانی میں رہنے سے بادام زیادہ نرم ہو جاتے ہیں اور انہیں چبانا یا ہضم کرنا آسان ہو جاتا ہے۔

نمک کے زیادہ استعمال سے جسم پر مرتب ہونے والے اثرات جانتے ہیں؟

دنیا بھر میں 18 لاکھ 90 ہزار افراد غذا میں نمک کے زیادہ استعمال کے باعث انتقال کر جاتے ہیں۔

یہی وجہ ہے کہ بادام بھگو کر کھانا ان افراد کے لیے زیادہ مفید ہوتا ہے جن کا نظام ہاضمہ زیادہ حساس ہوتا ہے۔

ایسے افراد کے لیے خشک بادام کو ہضم کرنا مشکل ہوتا ہے۔

تحقیقی رپورٹس میں عندیہ ملا ہے کہ بادام بھگو کر کھانے سے نظام ہاضمہ بہتر ہوسکتا ہے۔

بادام اچھے اور خالص ہیں یا نہیں، گھر پر پتہ لگانے کے کچھ طریقے جانیں

بادام عام طور پر ذائقے میں میٹھے اور کرنچی ہوتے ہیں، اگر ذائقے میں کڑواہٹ ہو یا چبانے میں نرم ہوں تو بادام کو چھوڑ دینا ہی بہتر ہے

انزائمے بہتر کام کرنے لگتے ہیں

باداموں میں ایسے انزائمے موجود ہوتے ہیں جو نظام ہاضمہ کو معاونت فراہم کرتے ہیں۔

باداموں کو بھگو کر رکھنے سے یہ انزائمے زیادہ متحرک ہو جاتے ہیں جس سے باداموں اور دیگر غذاؤں میں موجود غذائی اجزا کو جذب کرنے میں مدد ملتی ہے۔

جسمانی وازن میں کمی لانے میں مدد مل سکتی ہے

باداموں کو بھگو کر رکھنے سے انہیں چبانے میں مدد ملتی ہے اور پیٹ جلد بھر جاتا ہے۔

کینسر کی 6 جان لیوا اقسام کی وہ علامات جو بیشتر افراد نظر انداز کردیتے ہیں

کینسر کی متعدد اقسام ہیں جن میں سے 6 کو سب سے زیادہ جان لیوا سمجھا جاتا ہے۔

اسی طرح باداموں میں موجود فائبر پیٹ بھرنے کا احساس زیادہ دیر تک برقرار رکھتا ہے جس سے جسمانی وزن میں کمی لانے میں مدد مل سکتی ہے۔

مگر اس کے لیے ضروری ہے کہ متوازن غذا کے استعمال کو یقینی بنایا جائے۔

دل کی صحت کے لیے مفید

باداموں میں دل کی صحت کے لیے مفید چکنائی موجود ہوتی ہے۔

خوبصورت اور مزیدار اسٹرابیری کو کھانا کیوں ضروری ہے؟

یہ پھل کیمیائی نباتاتی مرکبات سے بھرپور ہوتا ہے جس سے صحت کو فائدہ ہوتا ہے۔

باداموں کو بھگو کر رکھنے سے یہ چکنائی خارج کرنے میں مدد ملتی ہے اور اس طرح دل کو زیادہ فائدہ ہوتا ہے۔

بلڈ شوگر کو کنٹرول کرے

بھگو کر بادام کھانے سے فائبر اور صحت کے لیے مفید چکنائی بلڈ شوگر کو مستحکم رکھنے میں مدد فراہم کرتی ہے۔

انسولین کی مزاحمت اور ذیابطیس کے مریضوں کے لیے بادام بھگو کر کھانا زیادہ بہتر ہوتا ہے کیونکہ وہ بلڈ شوگر کی سطح کو تیزی سے بڑھنے سے روک سکتے ہیں۔

کیا دودھ کے بغیر چائے پینے سے صحت کو کوئی فائدہ ہوتا ہے؟

چائے میں کیفین، فلورائیڈ اور فلیونولز سمیت متعدد غذائی اجزا موجود ہوتے ہیں جو صحت کو فائدہ پہنچاتے ہیں۔

اینٹی آکسائیڈنٹس سے بھرپور

بھگوئے جانے پر بھی باداموں میں موجود اینٹی آکسائیڈنٹس برقرار رہتے ہیں۔

اینٹی آکسائیڈنٹس سے جسم کو تکسیدی تناؤ سے مقابلہ کرنے میں مدد ملتی ہے جس سے مختلف دائمی امراض جیسے امراض قلب کا خطرہ کم ہوتا ہے۔

جِلد کے لیے بھی مفید

بادام وٹامن ای کے حصول کا اچھا ذریعہ ہیں۔

بظاہر معمولی نظر آنے والی پیٹرولیم جیلی کے یہ دنگ کر دینے والے فائدے جانتے ہیں؟

مگر بظاہر یہ عام سی نظر آنے والی چیز اتنی کارآمد ہوتی ہے کہ آپ نے کبھی تصور بھی نہیں کیا ہوگا۔

یہ وٹامن جِلدی صحت کے لیے بہت اہم ہوتا ہے۔

بادام بھگو کر کھانے سے اس وٹامن تک زیادہ آسانی سے رسائی ملتی ہے جس سے جِلد کو صحت مند رکھنے میں مدد ملتی ہے۔

جگمگاتے بال

باداموں میں موجود غذائی اجزا جیسے بائیوٹین اور فیٹی ایسڈز بالوں کی صحت کے لیے مفید ہوتے ہیں۔

بادام بھگو کر رکھنے سے ان اجزا کی دستیابی بڑھ جاتی ہے جس سے بالوں کی مضبوطی اور چمک بڑھانے میں مدد ملتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔