ہائی بلڈ پریشر جیسے مرض کو آپ سے دور رکھنے کے لیے بہترین غذائیں

فشار خون یا ہائی بلڈ پریشر کے شکار اکثر افراد کو اس سے لاعلم رہتے ہیں کہ وہ اس مرض کا شکار ہوچکے ہیں اور اسی وجہ سے اسے خاموش قاتل بھی کہا جاتا ہے۔

اس کی وجہ یہ ہے کہ ہائی بلڈ پریشر کی علامات عموماً اسی وقت ظاہر ہوتی ہیں جب اس کی شدت بہت زیادہ بڑھ چکی ہو۔

ہائی بلڈ پریشر سے ہارٹ اٹیک یا فالج جیسے جان لیوا امراض کا خطرہ بڑھ جاتا ہے۔

صحت کے لیے فائدہ مند طرز زندگی سے اس بیماری کا شکار ہونے سے بچنے میں مدد مل سکتی ہے۔

دماغ کے لیے ایسی تباہ کن عادات جو بیشتر افراد اپنا لیتے ہیں

حیران کن طور پر یہ عادات بہت عام ہیں اور بیشتر افراد انہیں بے ضرر تصور کرتے ہیں۔

دل کی صحت کے لیے مفید غذائیں بلڈ پریشر کو صحت مند سطح پر رکھنے کے لیے بھی مددگار ثابت ہوسکتی ہیں۔

پوٹاشیم اور میگنیشم سے بھرپور غذائیں اس حوالے سے زیادہ بہترین ثابت ہوتی ہیں۔

ایسی ہی غذاؤں کے بارے میں جانیں جو بلڈ پریشر کو صحت مند سطح پر رکھنے میں مدد فراہم کرسکتی ہیں۔

نمک کے زیادہ استعمال سے جسم پر مرتب ہونے والے اثرات جانتے ہیں؟

دنیا بھر میں 18 لاکھ 90 ہزار افراد غذا میں نمک کے زیادہ استعمال کے باعث انتقال کر جاتے ہیں۔

ترش یا کھٹے پھل

لیموں، گریپ فروٹ اور مالٹے جیسے ترش پھل بلڈ پریشر کو کم رکھنے میں مدد فراہم کر سکتے ہیں۔

ان پھلوں میں وٹامنز، منرلز اور نباتاتی مرکبات موجود ہوتے ہیں جو دل کو صحت مند رکھنے کے لیے ضروری ہوتے ہیں اور اس طرح ہائی بلڈ پریشر سے بچنے میں مدد ملتی ہے۔

ایک تحقیق میں دریافت کیا گیا کہ روزانہ کچھ مقدار میں پھل کھانے سے بلڈ پریشر کو کنٹرول میں رکھنے میں مدد ملتی ہے اور اس حوالے سے ترش پھل زیادہ مددگار ثابت ہوتے ہیں۔

کینسر کی 6 جان لیوا اقسام کی وہ علامات جو بیشتر افراد نظر انداز کردیتے ہیں

کینسر کی متعدد اقسام ہیں جن میں سے 6 کو سب سے زیادہ جان لیوا سمجھا جاتا ہے۔

گریپ فروٹ اور مالٹے کا جوس پینے سے بھی بلڈ پریشر کو کم رکھنے میں مدد مل سکتی ہے۔

مچھلی

ہر ہفتے 2 بار مچھلی کھانے کی عادت سے امراض قلب بشمول ہائی بلڈ پریشر سے متاثر ہونے کا خطرہ کم ہوتا ہے۔

مچھلی اومیگا 3 فیٹی ایسڈز کے حصول کا اچھا ذریعہ ہے۔

خوبصورت اور مزیدار اسٹرابیری کو کھانا کیوں ضروری ہے؟

یہ پھل کیمیائی نباتاتی مرکبات سے بھرپور ہوتا ہے جس سے صحت کو فائدہ ہوتا ہے۔

یہ فیٹی ایسڈز صحت کے لیے بہت اہم ہوتے ہیں اور بلڈ پریشر سے بچنا ممکن ہوتا ہے۔

سبز پتوں والی سبزیاں

پالک یا ایسی ہی دیگر سبزیوں میں نائٹریٹ کی مقدار کافی زیادہ ہوتی ہے جس سے بلڈ پریشر کی سطح صحت مند رکھنے میں مدد ملتی ہے۔

تحقیقی رپورٹس کے مطابق روزنہ ایک کپ سبز پتوں والی سبزیاں کھانے سے بلڈ پریشر کی سطح کم کی جاسکتی ہے جبکہ امراض قلب کا خطرہ بھی کم ہوجاتا ہے۔

کیا دودھ کے بغیر چائے پینے سے صحت کو کوئی فائدہ ہوتا ہے؟

چائے میں کیفین، فلورائیڈ اور فلیونولز سمیت متعدد غذائی اجزا موجود ہوتے ہیں جو صحت کو فائدہ پہنچاتے ہیں۔

گریاں اور بیج

پستے، اخروٹ اور کدو کے بیج سمیت دیگر گریاں اور بیج بلڈ پریشر کو کنٹرول کرنے کے لیے بہترین ہوتے ہیں۔

بیشتر گریوں اور بیجوں میں فائبر اور ایسے غذائی اجزا موجود ہوتے ہیں جو بلڈ پریشر کو بڑھنے سے روکنے کے لیے اہم تصور کیے جاتے ہیں۔

دالیں

دالوں کا زیادہ استعمال بھی بلڈ پریشر اور کولیسٹرول کی سطح میں کمی لاتا ہے۔

بظاہر معمولی نظر آنے والی پیٹرولیم جیلی کے یہ دنگ کر دینے والے فائدے جانتے ہیں؟

مگر بظاہر یہ عام سی نظر آنے والی چیز اتنی کارآمد ہوتی ہے کہ آپ نے کبھی تصور بھی نہیں کیا ہوگا۔

ان میں موجود میگنیشم اور پوٹاشیم جیسے اجزا بلڈ پریشر کو کنٹرول میں رکھنے میں مددگار ثابت ہوتے ہیں۔

متعدد تحقیقی رپورٹس میں دالوں کے استعمال اور بلڈ پریشر کی سطح میں کمی کے درمیان تعلق کی نشاندہی کی گئی ہے۔

بیریز

بیریز صحت کے لیے بہت زیادہ بہترین ثابت ہوتی ہیں، خاص طور پر امراض قلب سے متاثر ہونے کا خطرہ کم ہوتا ہے۔

روزانہ گھر سے باہر چند منٹ کی چہل قدمی کے 7 حیران کن فوائد

گھر سے باہر بہت کم وقت گزارنے سے بھی جسم اور ذہن دونوں پر حیرت انگیز اثرات مرتب ہوتے ہیں۔

بیریز میں اینٹی آکسائیڈنٹس کی مقدار کافی زیادہ ہوتی ہے جس سے بلڈ پریشر کو کنٹرول میں رکھنے میں مدد ملتی ہے۔

بلیو بیریز، اسٹرا بیریز اور دیگر کا استعمال اس حوالے سے بہترین ثابت ہوتا ہے۔

ایک تحقیق میں دریافت کیا گیا کہ مختلف اقسام کی بیریز کو کھانے سے بلڈ پریشر کی سطح میں نمایاں کمی آتی ہے۔

زیتون کا تیل

زیتون کا تیل صحت کے لیے بہت زیادہ فائدہ مند ہوتا ہے خاص طور پر دل کی صحت بہتر ہوتی ہے اور بلڈ پریشر کو کنٹرول میں رکھنے میں مدد ملتی ہے۔

موسمی بیماریوں سے پریشان رہتے ہیں؟ تو ان غذاؤں سے مدافعتی نظام مضبوط بنائیں

پورے سال بیماریوں سے تحفظ کے لیے مدافعتی نظام کو مضبوط بنانا ضروری ہوتا ہے۔

تحقیقی رپورٹس میں دریافت کیا گیا کہ زیتون کے تیل میں موجود غذائی اجزا، نباتاتی مرکبات اور اینٹی آکسائیڈنٹس دل کی صحت کو فائدہ پہنچاتے ہیں۔

گاجر

گاجروں میں ایسے نباتاتی مرکبات کی مقدار بہت زیادہ ہوتی ہے جو جسم کے مختلف افعال جیسے بلڈ پریشر کو کنٹرول میں رکھنے کے لیے ضروری ہوتے ہیں۔

2023 کی ایک تحقیق میں دریافت کیا گیا کہ 100 گرام گاجر کھانا عادت بنانے سے ہائی بلڈ پریشر کا خطرہ 10 فیصد تک کم ہو جاتا ہے۔

جسمانی وزن میں کمی لانے کے لیے بہترین غذائیں

چند عام غذاؤں کا استعمال کرکے آپ جسمانی وزن میں کمی لانے میں کامیاب ہوسکتے ہیں۔

انڈے

انڈے بھی بلڈ پریشر کو کنٹرول میں رکھنے کے لیے بہترین ثابت ہوسکتے ہیں۔

2023 کی ایک تحقیق میں دریافت کیا گیا کہ ہر ہفتے 5 یا اس سے زائد انڈے کھانے سے بلڈ پریشر کو کنٹرول میں رکھنے میں مدد ملتی ہے۔

مختلف تحقیقی رپورٹس میں دریافت کیا گیا کہ انڈے کھانے سے طویل المعیاد بنیادوں پر ہائی بلڈ پریشر کے شکار ہونے سے مدد ملتی ہے۔

اکثر آدھی رات کو اچانک نیند سے بیدار ہو جاتے ہیں؟ تو اس کی وجوہات جانیں

ایسا دنیا بھر میں متعدد افراد کے ساتھ ہوتا ہے۔

ٹماٹر

ٹماٹر میں پوٹاشیم اور لائیکوپین جیسے اجزا موجود ہوتے ہیں۔

لائیکو پین دل کی صحت کے لیے بہت زیادہ مفید غذائی جز ہے اور بلڈ پریشر کو کنٹرول میں رکھتا ہے۔

تحقیقی رپورٹس کے مطابق ٹماٹر کھانے سے بلڈ پریشر کو مستحکم رکھنے میں مدد ملتی ہے جس سے امراض قلب کا خطرہ کم ہوتا ہے۔

2024 میں دماغ کو صحت مند رکھنے میں مددگار آسان عادات

اگر 2024 میں دماغی صحت کو بہتر بنانے کا ارادہ رکھتے ہیں تو یہ بہت زیادہ مشکل بھی نہیں۔

دہی

دہی کھانے کی عادت سے بھی بلڈ پریشر کی سطح کو کم کرنے میں مدد ملتی ہے درحقیقت اس کو کھانے سے ہائی بلڈ پریشر کا شکار ہونے سے بچنا بھی آسان ہوجاتا ہے۔

تحقیقی رپورٹس کے مطابق ہر ہفتے 3 بار دہی کھانے سے بلڈ پریشر سے متاثر ہونے کا خطرہ 13 فیصد تک کم ہو جاتا ہے۔

کچن میں موجود عام اشیا

کالی مرچ، لہسن، سرخ مرچ، ادرک اور لیمن گراس میں ایسے مرکبات موجود ہوتے ہیں جو خون کی شریانوں کو کشادہ کرتے ہیں جس سے بلڈ پریشر کو کنٹرول میں رکھنے میں مدد ملتی ہے۔

اچھی صحت کے لیے چہل قدمی کرنے کا بہترین وقت کونسا ہوتا ہے؟

روزانہ کے معمولات میں چہل قدمی کو شامل کرکے متعدد امراض سے متاثر ہونے کا خطرہ کم کیا جا سکتا ہے۔

آلو

آلو میں ایسے متعدد نباتاتی مرکبات موجود ہوتے ہیں جو بلڈ پریشر کو کنٹرول میں رکھنے کے لیے بہترین ثابت ہوتے ہیں۔

ایک آلو میں 941 ملی گرام پوٹاشیم موجود ہوتا ہے جو دن بھر کے لیے درکار مقدار کے 20 فیصد حصے کے برابر ہوتا ہے۔

ایک تحقیق میں دریافت کیا گیا کہ آلو کھانے سے ہائی بلڈ پریشر سے بچنے میں مدد ملتی ہے۔

اس موسم کی سوغات کینو روزانہ کھانے کے بہترین فوائد جان لیں

موسم سرما کی اس سوغات میں متعدد ایسے غذائی اجزا موجود ہوتے ہیں جو صحت کے لیے مفید ہوتے ہیں۔

چقندر

چقندر کے جوس کو پینے سے بھی مختصر اور طویل المعیاد بنیادوں پر بلڈ پریشر کی سطح میں کمی آسکتی ہے کیونکہ اس سبزی میں نائٹریٹ موجود ہوتا ہے۔

ایک تحقیق میں دریافت کیا گیا کہ 4 ہفتے تک روزانہ ایک کپ چقندر کا جوس پینے سے بلڈ پریشر کی سطح میں نمایاں کمی آتی ہے۔

ڈارک چاکلیٹ

ڈارک چاکلیٹ میں ایسے اینٹی آکسائیڈنٹس ہوتے ہیں جو بلڈ پریشر کی سطح کم کرنے میں مدد فراہم کرتے ہیں، البتہ اس کی زیادہ مقدار کھانے سے گریز کرنا چاہیے۔

سرد موسم میں جِلد کو خشک ہونے سے بچانے میں مددگار غذائیں

مخصوص غذائیں جلد کی صحت کے لیے فائدہ مند ثابت ہوتی ہیں اور نمی کو برقرار رکھتی ہیں۔

تربوز

تربوز میں citrulline نامی ایک امینو ایسڈ موجود ہوتا ہے جو ہمارے جسم میں جاکر نائٹریٹ آکسائیڈ میں تبدیل ہوجاتا ہے جس سے شریانوں کی صحت اور لچک بہتر ہوتی ہے۔

اس طرح بلڈ پریشر کو کنٹرول میں رکھنے میں مدد ملتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔