ٹی وی چینلزپر چلنے والے نتائج درست نہیں،الیکشن کمیشن مصدقہ نتائج خود جاری کرے گا: ذرائع
09 فروری ، 2024
ملک میں عام انتخابات کے بعد نتائج آنے کا سلسلہ سست روی کا شکار ہے،الیکشن کمیشن کے دعوؤں کے باوجود 9 گھنٹے گزرنے کے بعد رزلٹ اب تک مکمل نہیں ہوسکے۔
اب تک سندھ اسمبلی کے صرف 6 نشستوں کے نتائج مکمل ہوئے ہیں جس میں غیر حتمی سرکاری نتائج کے مطابق پیپلز پارٹی نے چھ نشستیں جیتی ہیں۔
ذرائع الیکشن کمیشن کے مطابق نجی ٹی وی چینلز پر چلنے والے الیکشن نتائج درست نہیں، الیکشن کمیش مصدقہ نتائج مرتب کر رہا ہے۔
ذرائع الیکشن کمیشن کا کہنا ہے کہ الیکشن کمیشن مصدقہ نتائج خود جاری کرے گا،وہی نتائج ہی درست ہوں گے۔
دوسری جانب جیو نیوز کی الیکشن سے متعلق خصوصی نشریات میں گفتگو کرتے ہوئے سینیئر صحافی و بیورو چیف رئیس انصاری کا کہنا تھاکہ ’آج نتائج آنے کی توقع تھی لیکن موبائل فون اور نیٹ بند ہونے سے کمیونیکیشن متاثر ہوئی، اس کے بعد اچانک نتائج آنے کا سلسلہ بند ہوگیا، جو ہمیں الیکشن کمیشن نے پاس جاری کیے کہ کہ آر او سے نتائج لیں گے‘۔
واضح رہے کہ عام انتخابات کیلئے پولنگ کا عمل جمعرات کو صبح 8 بجے سے شام 5 بجے تک جاری رہا اور کروڑوں افراد نے اپنا حق رائے دہی استعمال کیا۔
Election Results | Pakistan Election 2024 | Constituency| NA
