17 فروری ، 2024 
پاکستان
جو لوگ پارٹیاں بدلتے ہیں اور ضمیر بیچتے ہیں، جن کی کینڈا میں رہائش ہے، عوام نے ان کو مسترد کردیا ہے: نومنتخب رکن صہیب بھرت کی جیو نیوز سے گفتگو
’نہ چن نہ اینج نہیں‘ کے بیان سے مشہور ن لیگی رہنما نے ندیم افضل چن کو آڑے ہاتھوں لے لیا
17 فروری ، 2024
’نہ چن نہ اینج نہیں‘ کے بیان سے مشہور ہونے والے صوبائی اسمبلی کے نو منتخب ن لیگی رکن صہیب بھرت نے ندیم افضل چن کو آڑے ہاتھوں لیتے ہوئے مسترد شدہ قرار دیدیا ہے۔
انہوں نے کہا کہ جو لوگ پارٹیاں بدلتے ہیں اور ضمیر بیچتے ہیں، جن کی کینڈا میں رہائش ہے، عوام نے ان کو مسترد کردیا ہے۔
انہوں نے کہا کہ ندیم افضل چن اسی حلقے سے 2013 میں ایک لاکھ ووٹوں سے ہارے تھے، جو اس وقت ملک بھر میں ریکارڈ تھا، 2018 میں بھی ندیم افضل چن کو اسی حلقے سے ہرایا، اب بھی مختار بھرت نے ندیم افضل چن کو شکست دی ہے۔
انہوں نے کہا کہ آر او کے دفتر میں ندیم افضل چن نے سب امیدواروں کے سامنے مختار بھرت کو مبارکباد دی تھی، ندیم افضل چن اپنی شکست تسلیم کریں۔
