19 فروری ، 2024 
پاکستان
آئی جی جیل خانہ جات کا عہدہ 21 گریڈ کا ہے اور منور علی شاہ 20 گریڈ کے افسر ہیں: درخواست گزار کا مؤقف/ فائل فوٹو
سندھ ہائیکورٹ: آئی جی جیل منور شاہ کی تقرری کالعدم قرار
19 فروری ، 2024
کراچی: سندھ ہائیکورٹ نے آئی جی جیل خانہ جات منور علی شاہ کی تقرری کالعدم قرار دے دی۔
سندھ ہائیکورٹ میں آئی جی جیل خانہ جات منور شاہ کی تقرری کے خلاف دائر درخواست پر سماعت ہوئی جس میں درخواست گزار نے مؤقف اختیار کیا کہ سندھ حکومت نے گزشتہ سال منور شاہ کو آئی جی جیل کا عارضی چارج دیا تھا جس کو یکم نومبر کو مستقل چارج میں تبدیل کردیا گیا تھا، موجودہ آئی جی جیل سے بھی سینئر افسران موجود ہیں اور یہ ان کی حق تلفی ہے۔
دوران سماعت وکیل درخواست گزار نے کہا کہ آئی جی جیل خانہ جات کا عہدہ 21 گریڈ کا ہے اور منور علی شاہ 20 گریڈ کے افسر ہیں۔
عدالت نے درخواست گزار کا مؤقف تسلیم کرتے ہوئے آئی جی جیل خانہ جات منور شاہ کی تقرری کا نوٹیفکیشن کالعدم قرار دے دیا۔
مزید خبریں :
دھند کے باعث اسلام آباد سے لاہور تک موٹروے بند
2 گھنٹے پہلے
جسٹس ریٹائرڈ اعجاز الحسن انتقال کرگئے
7 گھنٹے پہلے
کراچی میں خلع کیسز دائر کرنے کی تعداد دگنا ہوگئی
12 گھنٹے پہلے
