وہ تصویر جس نے دنیا کو بدل کر رکھ دیا

پہلی نظر میں اوپر لگی تصویر میں کچھ خاص نظر نہیں آتا۔

درحقیقت یہ کسی وجہ سے ویران نظر آنے والے شہر کی بلیک اینڈ وائٹ تصویر ہے جو کافی پرانی نظر آتی ہے۔

مگر انسانی تاریخ میں یہ تصویر بہت اہم ہے بلکہ اس نے دنیا کو بدل کر رکھ دیا۔

جی ہاں واقعی 1838 (یا 1837) میں فرانس کے شہر پیرس میں کھینچی گئی یہ تصویر انسانی تاریخ میں بہت اہمیت رکھتی ہے۔

دنیا کی سب سے زیادہ دیکھی جانے والی تصویر کے بارے میں جانتے ہیں؟

ایک تصویر یا فوٹوگراف ایسا ہے جس کے پاس دنیا میں سب سے زیادہ دیکھے جانے کا اعزاز موجود ہے۔

ایسا مانا جاتا ہے کہ یہ دنیا کی تاریخ کی پہلی تصویر ہے جس میں کسی انسان کو کیمرے کی آنکھ میں محفوظ کیا گیا۔

اگر آپ تصویر میں نیچے بائیں جانب دیکھیں تو ایک شخص کو جوتے پالش کراتے ہوئے دیکھ سکتے ہیں۔

تصویر میں جوتے پالش کرنے والا بھی موجود ہے مگر اسے دیکھنا بہت مشکل ہے۔

اس تصویر کو فرانسیسی فوٹوگرافر Louis Daguerre نے کھینچا تھا۔

وہ معروف تصویر جس کے پیچھے چھپی کہانی بھی دل ہلا دینے والی ہے

اس تصویر کو بیشتر افراد نے دیکھی ہوئی ہے مگر اس تصویر کے بعد پیش آنے والے المیے کا علم بہت کم افراد کو ہے۔

Louis Daguerre کو فوٹوگرافی کے ابتدائی عہد میں کھینچی جانے والی تصاویر کے لیے جانا جاتا ہے۔

اس تصویر کو daguerreotype طریقہ کار (اس طریقہ کار میں سلور پلیٹ کو استعمال کیا جاتا تھا) کے ذریعے کھینچا گیا تھا۔

اس تصویر میں نظر آنے والی جگہ ویران نظر آتی ہے اور صرف 2 انسانوں کو دیکھنا ممکن ہے، مگر وہاں دیگر راہ گیر اور گھڑ سوار بھی موجود تھے مگر ان کی حرکت اتنی تیز تھی کہ سلور پلیٹ میں انہیں دیکھنا ممکن نہیں تھا۔

اس تصویر میں پیرس کے اس عہد کے مشہور علاقے Boulevard du Temple کو دکھایا گیا ہے۔

تصویر کو کھینچنے میں فوٹوگرافر کو 10 منٹ لگے تھے۔

اس تصویر نے انٹرنیٹ کی دنیا کو ہمیشہ کیلئے کیسے تبدیل کر دیا؟

انٹرنیٹ کی دنیا کو اس 5 دہائی پرانی تصویر نے بدل کر رکھ دیا اور اسی کی وجہ سے ہم لاتعداد تصاویر آن لائن شیئر کرنے کے قابل ہوئے۔

ویسے یہ تاریخ کی پہلی تصویر نہیں تھی بلکہ یہ اعزاز Joseph Nicéphore Niépce کے پاس ہے۔

انہوں نے 1826 یا 1827 میں اپنے گھر کی کھڑکی سے باہر ایک تصویر کھینچی تھی جسے پہلی تصویر تصور کیا جاتا ہے کیونکہ اس عہد کی دیگر تصاویر اب محفوظ نہیں۔

خیال رہے کہ آج کے عہد میں لگ بھگ ہر فرد کی جیب میں فون کیمرا موجود ہوتا ہے اور ایک تخمینے کے مطابق روزانہ اربوں تصاویر انٹرنیٹ پر پوسٹ کی جاتی ہیں۔