07 مارچ ، 2024 
دنیا
ہڑتال کا مقصد بھارت کے غیر قانونی قبضے اور ہندوتوا ایجنڈے کے نفاذ کے خلاف احتجاج اور تنازع کشمیر کے حل کے مطالبے پر زوردینا: حریت کانفرنس— فوٹو: فائل
مودی کے مقبوضہ جموں و کشمیر دورے کیخلاف آج وادی میں مکمل ہڑتال کا اعلان
07 مارچ ، 2024
بھارتی وزیراعظم نریندر مودی کے مقبوضہ جموں و کشمیر کے دورے کے خلاف آج وادی میں مکمل ہڑتال کا اعلان کیا گیا ہے۔
وادی میں بھارتی فوج اور پولیس نے مختلف مقامات پر چھاپا مار کارروائیاں کرتے ہوئے 700 سے زائد نوجوانوں کو گرفتار کر لیا جبکہ سرینگر اور ملحقہ علاقوں میں بھارتی فوج کی اضافی نفری بھی تعینات کی گئی ہے۔
ہڑتال کی کال کل جماعتی حریت کانفرنس نے دی ہے جبکہ ہڑتال کا مقصد علاقے پر بھارت کے غیر قانونی قبضے اور ہندوتوا ایجنڈے کے نفاذ کے خلاف احتجاج اور تنازع کشمیر کے حل کے مطالبے پر زوردینا ہے۔
