ایمنسٹی انٹرنیشنل کا حکومت پاکستان سے ایکس (ٹوئٹر) کی بحالی کا مطالبہ

ایمنسٹی انٹرنیشنل نے حکومت پاکستان سے سماجی رابطے کی ویب سائٹ ایکس (ٹوئٹر کا نیا نام) کی بحالی کا مطالبہ کیا ہے۔

ایمنسٹی انٹرنیشنل کی جانب سے جاری ایک بیان میں کہا گیا کہ پاکستانی حکام ایکس کو فوری بحال کریں۔

بیان میں مزید کہا گیا کہ ایکس کی بندش مختلف سیاسی جماعتوں کی رائے کو دبانے کی کوشش ہے۔

ایمنسٹی انٹرنیشنل کا کہنا تھا کہ سوشل میڈیا سائٹس کی بندش آزادی اظہار کے بنیادی حقوق کی خلاف ورزی ہے۔

’جس نے بھی کیا ایک سوشل میڈیا پلیٹ فارم بند ہے‘، ایکس کی بندش پر پی ٹی اے سے واضح جواب طلب

آئندہ سماعت پرواضح جواب جمع کرائیں، واضح جواب ہونا چاہیے، عدالت کوبتائیے کہ دراصل ہوکیا رہا ہے: اسلام آباد ہائیکورٹ

خیال رہے کہ ملک میں 17 فروری سے سوشل میڈیا پلیٹ فارم ایکس تک رسائی بند ہے۔

سوشل میڈیا پلیٹ فارم کی بندش سے صارفین کو مشکلات کا سامنا ہے جبکہ ایکس کے بیشتر صارفین وی پی این کے ذریعے سوشل میڈیا ایپ استعمال کرنے پر مجبور ہیں۔

ایکس کی بندش کے خلاف سندھ ہائیکورٹ اور اسلام آباد ہائیکورٹ میں مقدمات دائر کیے گئے جن کی سماعت ابھی جاری ہے۔

فیکٹ چیک: وزیر اطلاعات کا X (سابقہ ٹوئٹر) تک رسائی ہونے کا دعویٰ غلط ہے

17 فروری سے پاکستان میں سوشل میڈیا پلیٹ فارم X کی سروسز معطل ہیں۔

13 مارچ کو وفاقی وزیر اطلاعات عطا اللہ تارڑ نے ایک پریس کانفرنس کے دوران دعویٰ کیا تھا کہ پاکستان میں ایکس سروس کام کر رہی ہے۔

مگر اب تک یہ سروس بحال نہیں ہو سکی ہے۔