26 فروری ، 2012 
بی پی ایل: درونتو راجشاہی نے کھلنا رائل بنگالز کو8 وکٹوں سے ہرادیا
26 فروری ، 2012
میرپور…بنگلا دیش پریمئر لیگ کے ایک میچ میں سیموئلز کی جارحانہ بیٹنگ کے باعث درونتو راجشاہی نے کھلنا رائل بنگالز کو 8 وکٹوں سے شکست دے دی۔ شیر بنگلا نیشنل اسٹیڈیم میں کھیلے گئے ایونٹ کے 27 ویں میچ میں کھلنا رائل بنگالز کی ٹیم ٹاس جیت کر پہلے بیٹنگ کرتے ہوئے 18.5اوورز میں 106 رنز بناکر آؤٹ ہوگئی، او برائن 35 رنز کے ساتھ نمایاں رہے۔ محمد سمیع اور ایروین نے تین ،تین وکٹیں حاصل کیں۔ جواب میں سیموئلز اور شاہ زیب حسن کی جارحانہ بیٹنگ کے باعث درونتو راجشاہی نے مطلوبہ ہدف 14.1 اوورز میں دو وکٹوں کے نقصان پر حاصل کرلیا۔ سیموئلز نے 34 گیندوں پر دو چھکوں اور سات چوکوں کی مدد سے 50 رنز بنائے۔ شاہ زیب حسن نے 12 گیندیں کھیل کر 28 رنز بنائے۔ ایروین کو میچ کا بہترین کھلاڑی قرار دیا گیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
