21 مارچ ، 2024
سعودی وزارت تجارت نےغیرقانونی انعامی اسکیمز اور لاٹری کےخلاف کارروائی کا فیصلہ کیا ہے۔
عرب میڈیا کے مطابق سعودی وزارت تجارت نے انتباہ جاری کیا ہے کہ مملکت میں لاٹری کا تصور نہیں، ایسی سرگرمیاں ممنوع ہیں۔
وزارت کی جانب سےکہا گیا کہ غیرقانونی تجارتی سرگرمیوں اور جعل سازی میں ملوث افراد اور اداروں کےخلاف کارروائی ہوگی اور ایسےافرادکا کیس پراسیکیوشن کے حوالے کیا جائے گا۔
سعودی وزارت تجارت کے مطابق تجارتی اداروں کےاشتہارات اپ لوڈکرنےکے لیے بھی لائسنس لازمی ہے، بغیرلائسنس کے اشتہاری مہم قانون شکنی تصور ہوگی۔