30 مارچ ، 2024
سابق وزیرخزانہ مفتاح اسماعیل نے کہا ہے کہ ہم خطرات سے باہر نکل آئے ہیں اگر یہ سلسلہ دو تین مہینے اور چل گیا تو شرح سود بھی کم ہوجائے گی اور شرح ترقی بھی بہتر ہو جائے گی۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے انہوں نے کہا کہ اس وقت اسٹیٹ بینک ڈالر خرید رہا ہے اور امپورٹ پر کوئی قدغن نظر نہیں آرہی ہے، ڈالر مارکیٹ مستحکم ہوگئی ہے اور مہنگائی نیچے آ رہی ہے۔
مفتاح اسماعیل کا کہنا تھا کہ اصلاحات کے حوالے سے اب بھی آئی ایم ایف ہم پر بہت زیادہ اعتماد نہیں کرے گا، اگر ہم این ایف سی پر نظر ثانی نہیں کرتے اور نجکاری سمیت اہم اصلاحات نہیں کرتے تو یہیں کھڑے رہیں گے۔