28 اپریل ، 2024 
سیشن جج وزیرستان کو کیسے اغوا کیا گیا؟ کہانی سامنے آگئی
28 اپریل ، 2024
ٹانک سے گزشتہ روز سیشن جج وزیرستان شاکر اللہ مروت کے اغوا کی کہانی سامنے آگئی۔
سیشن جج کے اغوا کا مقدمہ تھانہ سی ٹی ڈی ڈی آئی خان میں درج کرلیا گیا اور یہ مقدمہ جج کے ڈرائیورشیر علی کی مدعیت میں درج کیا گیا۔
ایف آئی آر میں دہشت گردی سمیت دیگر دفعات شامل کی گئی ہیں۔
مقدمے کے متن کے مطابق ڈیرہ ٹانک روڈ گرہ محبت موڑ پر جج کی گاڑی پہنچی تو 25 سے 30 ملزمان وہاں کھڑے تھے اور بھاری اسلحے سے لیس تھے جبکہ انہوں نے موٹر سائیکلوں سے روڈ بلاک کر رکھا تھا۔
ایف آئی آر میں بتایا گیا ہے کہ ملزمان نے گاڑی کو روک کر فائرنگ کی، فائرنگ سے جج اور ڈرائیور گاڑی سے اتر گئے، مبینہ دہشتگردوں نے جج کے ڈرائیور کی آنکھ پرکپڑا باندھا اور گاڑی میں سوار ہوگئے، 40 منٹ کے بعد گاڑی کو روکا تو گاڑی جنگل پہنچ چکی تھی، جج پینٹ شرٹ پہنے ہوئے تھے تو ملزمان نے گاڑی میں سے شلوار قمیض نکال کر ان کو پہننے کو کہا۔
مقدمے کے متن کے مطابق جج نے لباس تبدیل کیا، بعدازاں دہشتگردوں نے گاڑی کو آگ لگادی، ڈرائیور کو رہا کرکے دہشتگردوں نے اپنا پیغام پہنچانے کو کہا کہ اپنے مطالبات پیش کریں گے اگرپورے کیے توجج کو چھوڑ دینگے، مطالبات منظور نہ ہونے کی صورت میں سنگین نتائج بھگتنا ہونگے، بعدازاں دہشتگرد جج کو موٹرسائیکل پر لے کر جنگل کی طرف روانہ ہوگئے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
