میثاق معیشت پر 90 فیصد عمل کر دیا، اب عدالتی اصلاحات پر عمل کریں گے: بلاول
04 اپریل ، 2024
پیپلز پارٹی کے چیئرمین بلاول بھٹو زرداری کا کہنا ہے کہ میثاق معیشت پر 90 فیصد عمل کردیا ،اب عدالتی اصلاحات پرعمل کریں گے۔
ذوالفقارعلی بھٹو کی برسی پرنوڈیرو میں تقریب سےخطاب کرتےہوئے بلاول بھٹو نے کہا کہ عدالتی اصلاحات کے لیے آئین اور قانون میں جو ترامیم کرنا پڑیں وہ کریں گے ۔
انہوں نے کہا کہ پیپلزپارٹی وفاقی حکومت میں شامل نہیں ہے ،اب پیپلزپارٹی کا وفاقی حکومت سے مطالبہ ہوناچا ہیے کہ عدالتی اصلاحات پرعمل کریں۔
بلاول بھٹو نے کہا کہ انتخابات میں کسی ایک جماعت کو واضح اکثریت نہیں ملی ، پیپلزپارٹی سندھ اور بلوچستان میں عوامی معاشی معاہدے پرعمل کرے گی۔
اس کے علاوہ ان کا کہنا تھا کہ وزیراعلی سندھ کوکہا ہے کہ اگلا بجٹ آنے سے پہلےصوبے بھرکا دورہ کریں اورکھلی کچہریاں رکھیں، رمضان کے بعد گڑھی خدا بخش میں جلسہ کریں گے۔
