10 اپریل ، 2024 
کراچی اور بلوچستان میں لاپتہ بلوچ افراد کے اہل خانہ کے احتجاجی مظاہرے
10 اپریل ، 2024
کراچی اور بلوچستان کے مختلف شہروں میں لاپتہ بلوچ افراد کے اہل خانہ نے عید کے موقع پر احتجاجی مظاہرے کیے اور لاپتہ افراد کی بازیابی کا مطالبہ کیا۔
بلوچ یکجہتی کمیٹی کی جانب سے کراچی پریس کلب پر مبینہ جبری گمشدہ افراد کے لواحقین کا احتجاجی دھرنا ہوا جس میں سول سوسائٹی کے اراکین نے شرکت کی۔
سماجی رہنما شیما کرمانی نے مظاہرے میں شرکت کی۔
اس موقع پر رہنما سمی دین بلوچ کا کہنا تھا کہ ہمارے پیارے لاپتہ ہیں، ان کے بغیر کیسے عید منائیں؟
کوئٹہ میں بھی وائس فار بلوچ مسنگ پرسنز کے زیر اہتمام لاپتہ افراد کی بازیابی کیلئے ریلی نکالی گئی۔ ریلی میں بلوچ یکجہتی کمیٹی کی رہنما ڈاکٹر ماہ رنگ نے بھی شرکت کی۔
اس کے علاوہ خضدار، پنجگور، گوادر اور مستونگ سمیت بلوچستان کے مختلف شہروں میں بھی لاپتہ افراد کی بازیابی کے لیے ریلیاں نکالی گئیں۔ مظاہرین کا کہنا ہے کہ ہر مرتبہ عید اپنوں کے بغیر غم اور بے بسی میں گزر جاتی ہے۔
