لاہور : راستہ نہ دینے پر دو گروپوں میں جھگڑا، فائرنگ سے 3 افراد زخمی
13 اپریل ، 2024
لاہور کے علاقے شاہدرہ میں راستہ نہ دینے کے جھگڑے پر گولیاں چل گئيں ، دو گروپوں کے جھگڑے میں تین افراد زخمی ہوگئے۔
پولیس کے مطابق شاہدرہ کے علاقے فرخ آباد میں راستہ نہ دینے پر دو گروپوں میں جھگڑا ہوا، جھگڑے کے دوران دونوں گروپوں کی جانب سے ڈنڈوں اور اسلحہ کا استعمال کیا گیا۔
پولیس کا کہنا ہے کہ جھگڑے کے دوران فائرنگ سے 3 افراد زخمی بھی ہوئے۔
دوسری جانب پولیس نے کارروائی کرتے ہوئے مقدمہ درج کرکے جھگڑے میں ملوث 8 ملزمان کو گرفتار کرلیا ہے۔
