حافظ آباد کی ڈسٹرکٹ جیل میں قیدیوں کی ہنگامہ آرائی، 3 قیدی زخمی
14 اپریل ، 2024
پنجاب کے ضلع حافظ آباد کی ڈسٹرکٹ جیل میں قیدیوں کی ہنگامہ آرائی کے دوران 3 قیدی زخمی ہوگئے۔
جیل حکام کا کہنا ہے کہ قیدیوں نے دیگر اسیران سے نہ ملنے پر ہنگامہ کیا اور سرکاری کمبلوں کو آگ لگا دی۔
جیل حکام کے مطابق2 قیدیوں نے سلاخوں سے ٹکریں مار کر خود کو زخمی کرلیا جبکہ ہنگامہ آرائی کے دوران ایک قیدی نے سیفٹی ریزر سے خود کو لہولہان کرلیا۔
جیل حکام کے مطابق ہنگامہ کرنے والے قیدیوں کو الگ الگ بیرکوں میں منتقل کر دیا گیا ہے جبکہ اسسٹنٹ سپرنٹنڈنٹ کی مدعیت میں مقدمہ درج کرلیا گیا ہے۔
