کیا نیند کی کمی ذیابیطس کا خطرہ بڑھاتی ہے؟

نیند کی کمی موجودہ عہد کا ایک عام مسئلہ ہے اور بیشتر افراد سونے کے لیے 6 گھنٹے کا وقت بھی نہیں نکال پاتے۔

مارچ 2024 میں ایک تحقیق میں بتایا گیا تھا کہ 6 گھنٹے سے کم وقت تک سونے والے افراد میں ذیابیطس ٹائپ 2 سے متاثر ہونے کا خطرہ نمایاں حد تک بڑھ جاتا ہے۔

سویڈن کی Uppsala یونیورسٹی کی تحقیق میں 2 لاکھ 47 ہزار سے زائد افراد کے ڈیٹا کی جانچ پڑتال کی گئی۔

تحقیق کے دوران ہر رات 7 سے 8 گھنٹے تک سونے والے افراد کی صحت کا موازنہ 6 گھنٹوں سے کم وقت تک سونے والوں سے کیا گیا۔

دائمی ورم جیسے سنگین مسئلے سے بچانے میں مددگار آسان عادات

دائمی ورم کئی ماہ یا برسوں تک برقرار رہتا ہے جس کے نتیجے میں متعدد امرض کا خطرہ بڑھتا ہے۔

ان افراد کی صحت کا جائزہ 12 سال تک لیا گیا، جس دوران غذائی عادات اور نیند کے اوقات کے بارے میں جاننے کے لیے سوالنامے بھروائے گئے۔

اس عرصے میں لگ بھگ 8 ہزار افراد میں ذیابیطس ٹائپ 2 کی تشخیص ہوئی۔

نتائج سے معلوم ہوا کہ ہر رات 6 گھنٹے سے کم وقت تک سونے کے عادی افراد میں ذیابیطس ٹائپ 2 سے متاثر ہونے کا خطرہ 7 سے 8 گھنٹوں تک سونے والوں کے مقابلے میں دوگنا زیادہ ہوتا ہے۔

مگر ایسا ہوتا کیوں ہے؟ اس نئی تحقیق سمیت دیگر تحقیقی رپورٹس سے ثابت ہوتا ہے کہ نیند اور ذیابیطس کے درمیان تعلق کافی پیچیدہ ہے۔

کیا تربوز کے بیج کھانے سے کوئی نقصان تو نہیں ہوتا؟

اس پھل میں بیجوں کی تعداد بہت زیادہ ہوتی ہے اور اگر کوئی فرد سے اسے کھالے تو کیا ہوتا ہے؟

نیند کی کمی سے ذیابیطس کا خطرہ کیوں بڑھتا ہے؟

ذیابیطس کے شکار افراد کا جسم انسولین نامی ہارمون کے خلاف مزاحمت کرنے لگتا ہے اور بتدریج لبلبہ ناکافی مقدار میں یہ ہارمون بنانے لگتا ہے۔

انسولین خون میں موجود شکر یا گلوکوز کو کنٹرول کرنے کے لیے ضروری ہے تاکہ تمام جسمانی خلیات تک توانائی کی فراہمی مناسب طریقے سے جاری رہے۔

ابھی یہ ٹھوس طور پر معلوم نہیں کہ نیند کی کمی سے لوگوں میں ذیابیطس ٹائپ 2 کا خطرہ کیوں بڑھتا ہے، مگر ماضی میں ہونے والی ایک تحقیق میں دریافت کیا گیا کہ نیند کی کمی کے شکار افراد کے خون میں ورم اور فیٹی ایسڈز بڑھ جاتے ہیں۔

جوان افراد میں تیزی سے پھیلتے کینسر سے بچنے میں مددگار آسان عادات جانیں

موجودہ عہد میں جوان افراد میں اس جان لیوا مرض کے پھیلاؤ میں تشویشناک اضافہ ہوا ہے۔

اس کے نتیجے میں انسولین کی حساسیت متاثر ہوتی ہے اور انسولین کی مزاحمت بڑھتی ہے۔

آسان الفاظ میں جسم کے اندر انسولین کو بلڈ گلوکوز کی سطح کو درست طریقے سے کنٹرول کرنے میں مشکلات کا سامنا ہوتا ہے اور ذیابیطس ٹائپ 2 کا خطرہ بڑھتا ہے۔

نیند کی کمی کے ساتھ ساتھ سونے کا مخصوص وقت نہ ہونے سے جسم کی اندرونی گھڑی کے افعال متاثر ہوتے ہیں۔

اندرونی گھڑی کے افعال متاثر ہونے سے کورٹیسول اور دیگر ایسے ہارمونز کے اخراج کا عمل متاثر ہوتا ہے۔

کھیرے کا پانی پینے کے فائدے حیران کر دیں گے، بنانے کا طریقہ بھی جانیں

کیا آپ نے کبھی کھیرے کے پانی کے بارے میں سنا ہے جو آپ کی صحت پر جادوئی اثرات مرتب کرسکتا ہے؟

یہ ہارمونز عام حالات میں دن بھر جسم کے اندر خارج ہوتے ہیں تاکہ گلوکوز لیول اور جسم کی توانائی کی ضروریات کو توازن میں رکھ سکیں۔

مگر جب ان کے اخراج کا عمل متاثر ہوتا ہے تو جسم کی بلڈ گلوکوز کو کنٹرول میں رکھنے کی صلاحیت بھی متاثر ہوتی ہے۔

ایسے ہی عناصر کے باعث 6 گھنٹے سے کم وقت تک سونے کے عادی افراد میں ذیابیطس ٹائپ 2 سے متاثر ہونے کا خطرہ بڑھتا ہے۔

اس نئی تحقیق میں 8 گھنٹے یا اس سے کم وقت تک نیند کے اثرات کے جائزہ لیا گیا تھا مگر یہ ممکن ہے کہ بہت زیادہ وقت تک سونے سے بھی ذیابیطس کا خطرہ بڑھ جائے۔

جوان افراد میں جگر کے عام ترین مرض پھیلنے کی اہم وجوہات جان لیں

جگر پر چربی چڑھنے کا مرض ایک دائمی عارضہ ہے جس کا سامنا دنیا بھر میں کروڑوں افراد کو ہوتا ہے۔

ماضی میں ہونے والی ایک تحقیق میں نیند کے دورانیے اور ذیابیطس ٹائپ 2 کے خطرے کے درمیان تعلق دریافت کیا گیا تھا۔

تحقیق میں بتایا گیا کہ روزانہ 7 سے 8 گھنٹے کی نیند سے ذیابیطس سے متاثر ہونے کا خطرہ کم ہوتا ہے مگر 8 گھنٹے سے زائد نیند سے یہ خطرہ بڑھ جاتا ہے۔

زیادہ وقت تک سونے اور ذیابیطس کے درمیان تعلق کی ممکنہ وجہ جسمانی وزن میں اضافہ ہے۔

بہت زیادہ یا کم سونے کے عادی افراد کا جسمانی وزن عموماً بڑھ جاتا ہے۔

آپ کو روزانہ کتنی بار منہ دھونا چاہیے؟

چہرے کو درست طریقے سے نہ دھونے سے جِلد کے متعدد مسائل کا سامنا ہو سکتا ہے۔

تو ذیابیطس سے کیسے بچیں؟

نئی اور پرانی تحقیقی رپورٹس میں ذیابیطس سے تحفظ کے لیے صحت مند طرز زندگی کو اہم قرار دیا گیا ہے۔

رپورٹس کے مطابق اچھی نیند کے لیے 7 سے 8 گھنٹے کا وقت مثالی ہوتا ہے مگر دیگر عناصر بھی اس حوالے سے کردار ادا کرتے ہیں۔

صحت کے لیے مفید غذا سے بھی ذیابیطس سے متاثر ہونے کا خطرہ کم ہوتا ہے۔

اسی طرح ورزش کرنے کی عادت بھی بلڈ گلوکوز کی سطح کو بہتر بناتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔