25 مئی ، 2024 
نو ملکی نیشنز کپ کی تیاری، پریکٹس میچوں کیلئے پاکستان ہاکی ٹیم ایمسٹرڈیم پہنچ گئی
25 مئی ، 2024
پولینڈ میں منعقدہ نو ملکی نیشنز کپ سے قبل تیاری کیلئے پاکستان ہاکی ٹیم نیدرلینڈز پہنچ گئی جہاں قومی ٹیم ایمسٹرڈیم میں کلبز ٹیموں کے ساتھ پریکٹس میچ بھی کھیلے گی۔
پاکستان ہاکی ٹیم ایمسٹرڈیم میں ڈچ کوچ رولینٹ آلٹمنز کی نگرانی میں پریکٹس کرے گی۔
واضح رہے کہ پاکستان ہاکی ٹیم کو 20 مئی کو نیدرلینڈز روانہ ہونا تھا تاہم شینجین ویزا نہ ملنے کے باعث قومی ٹیم کی نیدرلینڈز روانگی میں تاخیر ہوگئی تھی۔
نیشنز کپ کی تیاری کیلئے پاکستان ہاکی ٹیم نے نیدرلینڈز میں بھی ایک ہفتے تیاری کا پلان بنایا تھا اور اس سلسلے میں 22 مئی کو نیدرلینڈز کی نیشنل ٹیم کے ساتھ میچ بھی پلان کیا گیا تھا لیکن ویزے میں تاخیر کی وجہ سے نیدرلینڈز کے ساتھ میچ ملتوی کر دیا گیا تھا۔
واضح رہے کہ نو ملکی نیشنز کپ پولینڈ میں 31 مئی سے شروع ہوگا۔
مزید خبریں :
اظہر علی کو پی سی بی میں اہم عہدہ مل گیا
2 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
