27 مئی ، 2024 
پاکستان
فوٹو: آئی ایس پی آر
خیبر میں دہشتگردوں سے لڑتے ہوئے شہید ہونیوالے پاک فوج کے 5 جوانوں کی نماز جنازہ ادا
27 مئی ، 2024
خیبرپختونخوا کے ضلع خیبر میں دہشت گردوں سے لڑتے ہوئے شہید ہونے والے پاک فوج کے 5 جوانوں کی نماز جنازہ پشاور میں ادا کردی گئی۔
آئی ایس پی آر کے مطابق شہدا کی نماز جنازہ پشاور گیریژن میں ادا کی گئی۔
نماز جنازہ میں آرمی چیف جنرل عاصم منیر،کورکمانڈرپشاور اور دیگر حکام شریک ہوئے۔
آئی ایس پی آر کے مطابق آرمی چیف نے سی ایم ایچ پشاور میں زیر علاج فوجیوں کی عیادت بھی کی، آرمی چیف نے دہشت گردی کے خلاف جنگ بھرپور جذبے سے جاری رکھنے کے عزم کا اعادہ بھی کیا۔
خیال رہے کہ خیبر پختونخوا میں سکیورٹی فورسز کی مختلف کارروائیوں میں 23 دہشت گرد ہلاک ہوئے جب کہ دہشت گردوں کے ساتھ مقابلے میں 5 جوانوں نے بھی جام شہادت نوش کیا۔
