01 جون ، 2024 
پاکستان
جنوبی علاقوں میں دوپہر کے بعد گرد آلود ہوائیں اور جھکڑ چلنے کا امکان ہے، ملک کےبیشتر علاقوں میں موسم گرم جبکہ جنوبی علاقے شدیدگرم رہیں گے : محکمہ موسمیات/فوٹوفائل
بالائی علاقوں میں مغربی ہواؤں کا سلسلہ داخل ہونیکا امکان، سندھ میں شدید گرمی رہیگی
01 جون ، 2024
محکمہ موسمیات نے ملک کے بالائی علاقوں میں مغربی ہواؤں کا سلسلہ داخل ہونے کا امکان ظاہر کردیا۔
محکمہ موسمیات کے مطابق سندھ کے بیشتر اضلاع میں موسم شدید گرم جبکہ ساحلی علاقوں میں موسم گرم اور مرطوب رہے گا، بالائی سندھ میں آندھی اور جھکڑ چلنے کا امکان ہے۔
محکمہ موسمیات کا بتانا ہے کہ جنوبی علاقوں میں دوپہر کے بعد گرد آلود ہوائیں اور جھکڑ چلنے کا امکان ہے، ملک کے بیشتر علاقوں میں موسم گرم جبکہ جنوبی علاقے شدیدگرم رہیں گے۔
محکمہ موسمیات کے مطابق گلگت بلتستان، کشمیر اور بالائی خیبر پختونخوا میں آندھی اور ہلکی بارش کا امکان ہے جبکہ شمال مشرقی پنجاب، خطہ پوٹھوہار اور اسلام آباد میں آندھی اور چند مقامات پر بارش متوقع ہے۔
