03 جون ، 2024 
پاکستان
ملتان، بہاولپور، سرگودھا اور فیصل آباد میں پارہ 44 ڈگری یا زائد رہنے کی پیشگوئی کی گئی ہے/ فائل فوٹو
سندھ، پنجاب، کے پی اور بلوچستان کے عوام کی شدید گرمی سے جان نہ چھوٹ سکی
03 جون ، 2024
شدید گرمی سے سندھ، پنجاب، بلوچستان اور کے پی کے عوام کی جان نہ چھوٹ سکی۔
لاہور میں محسوس کیا جانے والا درجہ حرارت 45، اسلام آباد اور پشاور میں 44، مظفر آباد میں 42، کراچی میں 39 اور کوئٹہ میں 38 ڈگری تک جانے کی توقع ہے۔
بلوچستان کے ضلع تربت میں 48 اور سبی میں 47 ڈگری رہنے کا امکان ہے۔
اس کے علاوہ ملتان، بہاولپور، سرگودھا اور فیصل آباد میں پارہ 44 ڈگری یا زائد رہنے کی پیشگوئی کی گئی ہے۔
سندھ کے شہروں نواب شاہ، سکھر، موہن جو دڑو اور دادو میں 50 کو چھونےوالا پارہ 4 سے 6 ڈگری تک نیچے آگیا۔
دوسری جانب گلگت بلتستان، کشمیر، اسلام آباد، خطہ پوٹھو ہار، شمال مشرقی پنجاب اور خیبر پختونخوا میں چند مقامات پر آندھی اور بارش متوقع ہے۔
