حیدرآباد میں 6 من وزنی بکرے وائٹ بادشاہ کی دھوم، قیمت 30 لاکھ

حیدرآباد میں وائٹ بادشاہ بکرے نے دھوم مچا رکھی ہے۔

حیدرآباد کے علاقے پھلیلی میں ان دنوں وائٹ بادشاہ کے چرچے ہورہے ہیں جس کی فروخت کے لیے اسٹیج کو پھولوں سے سجایا ہوا ہے۔

صرف اتنا ہی نہیں بلکہ رنگ برنگی لائٹیں اور میوزک کے شور میں سفید بادشاہ کو دیکھنے کے لیے دور دور سے لوگ آرہے ہیں۔

ویڈیو: گوجرانوالا میں بکروں کا مقابلۂ حسن 250 کلو کے سلطان نے جیت لیا

حیدرآباد میں بھی 6 من وزنی وائٹ بادشاہ کے خوب چرچے ہورہے ہیں جس کی قیمت 30 لاکھ روپے مقرر کی گئی ہے

وائٹ بادشاہ کے مالک محمد فاروق کا دعویٰ ہے کہ وائٹ بادشاہ کا وزن تقریباً 6 من ہے اور قیمت 30 لاکھ روپے رکھی ہے۔

وائٹ بادشاہ کو خریدنے کی خواہش رکھنے والے اور تعریف سن کر دیکھنے والوں کا تانتا بندھا ہوا ہے، لوگ اس کی خوبصورتی اور وزن سے متاثر ہوکر اسے اپنے کیمرے میں محفوظ کررہے ہیں تو کوئی بھاؤ تاؤ کررہا ہے۔