25 جون ، 2024 
گلوکار شہزاد رائے کی حکومت سے کتابوں پر سیلز ٹیکس واپس لینے کی درخواست
25 جون ، 2024
گلوکار اور سماجی رہنما شہزاد رائے حکومت سے نصابی کتابوں پر سیلز ٹیکس واپس لینے اور اساتذہ کی تنخواہوں پر ٹیکس چھوٹ بحال کرنے کی درخواست کردی ہے۔
جیو نیوز کے پروگرام آج شاہزیب خانزادہ کے ساتھ میں بات چیت کرتے ہوئے شہزاد رائے کا کہنا تھا کہ اچھی کتاب اور اچھا اُستاد تنقیدی سوچ پیدا کرنے میں کلیدی کردار ادا کرتے ہیں لیکن اس ملک میں نصابی کتابوں پر مراعات دینے کے بجائے اُن پر 10 فیصد سیلز ٹیکس لگا دیا گیا ہے۔
انہوں نے کہا کہ اساتذہ کو تنخواہوں پر حاصل 25 فیصد ٹیکس چھوٹ واپس لینا بھی خطرناک اقدام ہے۔
شہزاد رائے نے بتایا کہ انہوں نے وزیراعظم شہباز شریف اور وزیر منصوبہ بندی احسن اقبال سے یہ دونوں اقدامات واپس لینے کی درخواست کی ہے اور دونوں نے اس پر مثبت ردعمل دیا ہے۔
انہوں نے اُمید ظاہر کی کہ یہ ٹیکس جلد ختم کر دیے جائیں گے۔
