پنالٹی کِک ضائع ہونے پر کرسٹیانو رونالڈو کی آنکھوں سے آنسو جاری ہوگئے

پرتگال اور سلووینیا کے میچ میں پنالٹی کِک ضائع ہونے پرکرسٹیانو رونالڈو کی آنکھوں سے آنسو جاری ہو گئے تاہم جب میچ ختم ہوا تو کپتان سمیت تمام پرتگالی خوشی سے جھومنے لگے۔ 

یورو کپ کے پری کوارٹر فائنل میں پرتگال نے سلووینیا کو پنالٹی شوٹ آوٹ پر3-0 سے ہرا دیا۔

 مقررہ اور اضافی وقت میں کوئی ٹیم گول نہ کر سکی، کرسٹیانو رونالڈو نے اضافی وقت میں پنالٹی کِک مس بھی کی۔ 

بعدازاں شوٹ آوٹ میں رونالڈو نے گول بنایا جبکہ پرتگال کے گول کیپر حریف ٹیم کی 3 پینلٹیز  روک کر ہیرو بن گئے۔