10 فروری ، 2013 
طالبان سے مذاکرات کامیاب ہوئے تو ان کے قیدی چھوڑ سکتے ہیں، میاں افتخار
10 فروری ، 2013
پشاور....خیبر پختونخوا کے وزیر اطلاعات میاں افتخار حسین نے کہا ہے کہ مذاکرات سے پہلے طالبان قیدیوں کی رہائی آئین اورقانون کے تحت ممکن نہیں۔ بات چیت کی کامیابی کی صورت میں قانون کے مطابق رہا کیا جا سکتا ہے۔ وہ نوشہرہ کے علاقے خویشگی میں نوشہرہ چارسدہ روڈ کی افتتاحی تقریب سے خطاب کررہے تھے۔ میاں افتخار حسین نے کہا کہ آل پارٹیز کانفرنس کے لئے تیاریاں مکمل کرلی گئی ہیں ، کانفرنس کی مثبت نتائج نکلیں گے ۔ انہوں نے قطر میں امریکا اور طالبان کے درمیان مذاکرات کا خیر مقدم کرتے ہوئے کہا کہ طالبان سے مذاکرات کے لئے پاکستان ، افغانستان اور امریکا تینوں کی شرکت ضروری ہے۔ اگر ان میں سے ایک کو بھی فراموش کیا گیا تو مذاکرات کامیاب نہیں ہوسکتے۔ میاں افتخار حسین نے کہا کہ کالعدم تحریک طالبان سے مذاکرات کے لئے فی الوقت طالبان قیدیوں کی رہائی ضروری نہیں۔
مزید خبریں :
بھارت میں شیری رحمان کا سوشل میڈیا اکاؤنٹ بلاک
17 مئی ، 2025
علیمہ خان کا کنول شوذب سے بات کرنے سے انکار
17 مئی ، 2025
