20 اگست ، 2024 
ہراسانی کے بڑھتے واقعات سے پریشان سحرخان نے اپنی حفاظت کیلئے ٹَیزر خریدلیا
20 اگست ، 2024
پاکستانی ڈرامہ انڈسٹری کی معروف اداکارہ سحر خان نے ہراسانی کے بڑھتے واقعات کے پیش نظر اپنی حفاظت کے لیے 'ٹَیزر' خرید لیا۔
انسٹاگرام ریل پر ایک پوسٹ میں اداکارہ سحر خان کا کہنا تھا کہ ان دنوں ہراسانی کے واقعات بہت بڑھ چکے ہیں، اس لیے وہ تمام لڑکیوں پر زور دیتی ہیں کہ وہ اپنی حفاظت کے معاملے پر سنجیدگی کا مظاہرہ کریں ۔
سحر خان نے بتایاکہ انہوں نے اپنے دفاع کے لیے ٹَیزر خریدا ہے۔ اداکارہ نے لڑکیوں پر بھی زور دیا کہ وہ بھی اپنی حفاظت کے لیے ٹَیزر یا کوئی اور ایسا آلہ اپنے ساتھ رکھیں جس کی وجہ سے آپ خود کو محفوظ سمجھیں۔
ٹَیزر کے حوالے سے سحر خان کا مزید کہنا تھا کہ یہ مناسب قیمت میں آن لائن مل جاتا ہے۔
اداکارہ نےکا کہنا تھا کہ میں اپنی بہنوں کو بھی یہ کہا ہے اور آپ لوگوں کو بھی یہی کہہ رہی ہوں کہ اپنی حفاظت کا خیال رکھیں، یاد رکھیں ایسے لوگ بزدل ہوتے ہیں، ہمیں اپنے تحفظ کے لیے تیار رہنا چاہیے۔
سحر خان نے اپنی دوسری ریل میں ٹَیزر کی تصویر بھی شیئر کی۔
خیال رہے کہ ٹَیزر ایک ایسا آلہ ہے جو کہ عموماً خواتین اپنے دفاع کے لیے رکھتی ہیں، یہ آلہ تیز کرنٹ کے شاک سے مجرموں کو قریب آنے سے باز رکھتا ہے۔ اسے اکثر مغربی ممالک کی پولیس بھی مجرموں کو قابو کرنے کے لیے استعمال کرتی ہے۔
مزید خبریں :
صنم سعید اور محب مرزا کے گھر ننھے مہمان کی آمد
9 گھنٹے پہلے
اداکار نمیر خان کی ڈریم گرل کون ہے؟
20 جون ، 2025
سینیئر ٹی وی اداکارہ عائشہ خان انتقال کرگئیں
19 جون ، 2025
اداکارہ غنیٰ علی نے جلد شادی کرنے کی وجہ بتادی
19 جون ، 2025
