برطانیہ میں فیک نیوز سے فسادات، لاہور میں گرفتار فرحان آصف بری

لاہور  میں جوڈیشل مجسٹریٹ  کی عدالت نے برطانیہ میں فیک نیوز سے فسادات کے کیس میں گرفتار ملزم فرحان آصف کو بری کردیا۔ 

سماعت کے دوران  تفتیشی افسر نے بتایا کہ مذکورہ فیک نیوز  ملزم فرحان کی جانب سے شیئر ہونے سے پہلے ہی پھیل چکی تھی۔ 

تفتیشی افسر کے مطابق ہر طرح سے تحقیقات کی گئیں مگر ملزم کےخلاف کوئی ثبوت نہیں ملا۔ 

عدالت نے سوال کیا کہ  ملزم نے یہ خبر کس کے ساتھ شیئر کی اور کب ڈیلیٹ کی جس پر ملزم فرحان آصف نے بتایا کہ میں نے 6 گھنٹے بعد اس خبرکو ڈیلیٹ کر دیا تھا۔ 

بعد ازاں عدالت نے ملزم فرحان آصف کی استدعا منظور کرتے ہوئے اسے بری کردیا۔  

یاد رہے لاہور پولیس نے برطانیہ میں ہنگاموں کا باعث بننے والی فیک نیوز  پھیلانے کے الزام میں فرحان آصف کو گرفتار کیا تھا اور بعد ازاں اسے ایف آئی اے کے حوالے کردیا تھا۔  

اس فیک نیوز میں یہ خبر دی گئی تھی کہ برطانوی شہر ساؤتھ پورٹ میں 3 بچیوں کو ہلاک کرنے والا شخص ایک مسلمان تارک وطن ہے جبکہ حقیقت یہ تھی کہ اس واقعے کے 17 سالہ ملزم کا تعلق روانڈا سے تھا۔

برطانیہ میں ہنگاموں کا باعث بننے والی فیک نیوز دینے والا شخص لاہور سے گرفتار

ملزم پاکستان میں ایک نیوز پلیٹ فارم کے لیے کام کرتا ہے، ملزم کو مزید تفتیش کے لیے ایف آئی اے کےحوالےکر دیا گیا۔

برطانیہ میں حالیہ فسادات کی وجہ بننے والی فیک نیوز کہاں سے آئی؟

فیک نیوز کو ایک کرائم ویب سائٹ چینل تھری ناؤ سے نشر کیا گیا تھا جس میں امریکی صحافی، کینیڈین اور پاکستانی شہری بھی کام کرتے تھے