27 اگست ، 2024 
آسٹریلیا کا غیر ملکی طلبہ کے کوٹے میں کمی کا فیصلہ
27 اگست ، 2024
کینبرا: آسٹریلیا نے سال 2025 کے لیے غیر ملکی طلبہ کے داخلوں میں کمی کرنے کا فیصلہ کیا ہے۔
غیر ملکی میڈیا کے مطابق آسٹریلیا کی وزارت تعلیم نے اعلان کیا ہے کہ وہ سال 2025 میں صرف 2 لاکھ 70 ہزار غیر ملکی طلبہ کو اپنے تعلیمی اداروں میں داخلے دینگے۔
آسٹریلوی وزیر تعلیم جیسن کلیئر نے بتایا کہ آسٹریلیا کی یونیورسٹیوں میں غیر ملکی طلبہ کی تعداد کورونا وائرس کی آمد سے پہلے کے مقابلے میں اب 10 فیصد زیادہ ہے جبکہ پرائیویٹ اداروں میں پیشہ ورانہ تعلیم لینے والے افراد کی تعداد میں 50 فیصد اضافہ ہو چکا ہے۔
وزیرتعلیم کے مطابق زیادہ داخلوں اور غیر ملکی افراد کی آسٹریلیا آمد کی وجہ سے مقامی سطح پر گھر کے کرایوں میں اضافہ ہوا ہے۔
جیسن کلیئر نے اپنی پریس کانفرنس میں بتایا کہ سال 2025 میں ہم ایک لاکھ 45 ہزار غیر ملکی طلبہ کو یونیورسٹیوں میں اور 95 ہزار کو پیشہ ورانہ کورسز کے لیے داخلہ دینگے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
