28 اگست ، 2024
میرپورخاص میں2 روز سے جاری بارشوں سے کئی مقامات پر پانی موجود ہے لیکن پانی نکاسی کے لیے منگوائے گئے پمپس 4 روز سے ٹرکوں میں پڑے ہونے کا انکشاف ہوا ہے۔
ٹرک ڈرائیور کا کہنا ہے کہ 3 بھاری مشینیں ٹرکوں پر مختیار کار آفس میں موجود ہیں، مشینیں اتارنے کے لیے کسی نے رابطہ نہیں کیا۔
ٹرک ڈرائیور نے بتایا کہ ڈپٹی کمشنر نے کہا کہ مختیار کار کے پاس جاؤ ، جب وہاں گئے تو کہاگیا کہ ہمارا کیا واسطہ؟
میئر عبدالروف غوری کا کہنا ہے کہ تینوں ڈی واٹرنگ مشینیں استعمال کرنا شروع کر رہے ہیں۔
خیال رہےکہ مون سون سسٹم کے سبب سندھ کے مختلف اضلاع میں بارش کا سلسلہ جاری ہے۔مسلسل بارش کی وجہ سے سڑکوں پر پانی موجود ہے۔