04 ستمبر ، 2024 
پاکستان
ہائیکورٹ کے 2 رکنی بینچ نے 25 ہزار روپے کے مچلکوں کے عوض علی وزیر کی ضمانت منظور کی/ فائل فوٹو
اسلام آباد ہائیکورٹ سے علی وزیر کی ضمانت منظور، رہائی کا حکم
04 ستمبر ، 2024
اسلام آباد ہائیکورٹ نے سابق رکن قومی اسمبلی علی وزیر کی ضمانت منظور کرلی۔
اسلام آباد ہائیکورٹ کے جسٹس بابر ستار اور جسٹس سردار اعجاز اسحاق خان پر مشتمل 2 رکنی بینچ نے علی وزیر کی 25 ہزار روپے کے مچلکوں کے عوض ضمانت منظور کی۔
اس سے قبل انسداد دہشتگردی عدالت نے علی وزیر کی ضمانت مسترد کردی تھی جس کے بعد سابق رکن اسمبلی نے ضمانت کے لیے اسلام آباد ہائیکورٹ سے رجوع کیا تھا۔
واضح رہے کہ سابق ایم این اے علی وزیر اس وقت اڈیالہ جیل میں قید ہیں اور ان کے خلاف دہشتگردی کا مقدمہ درج ہے۔
