17 فروری ، 2013 
بلوچستان میں حکومت دہشت گردوں کو کنٹرول نہیں کرسکی، شاہ محمود قریشی
17 فروری ، 2013
سکھر … تحریک انصاف کے رہنما شاہ محمود قریشی نے کہا ہے حکومتی اتحادی جماعت متحدہ نے حکومت سے علیحدہ ہوتے ہوئے الزام عائد کیا ہے کہ پیپلز پارٹی دہشت گردوں کی سرپرستی کررہی ہے، یہ الزام کسی اپوزیشن جماعت نے نہیں لگایا، بلوچستان میں حکومت ناکام ہوگئی، دہشت گردوں کو کنٹرول نہیں کیا جاسکا ۔ سکھر ایئر پورٹ پر میڈیا سے بات چیت کرتے ہوئے شاہ محمود قریشی نے کہاکہ پیپلز پارٹی نے سندھ میں الیکشن سے پہلے ہی 50 ہزار پلاٹ اپنے کارکنوں میں بندر بانٹ کرنے کا پروگرام بنایا ہے، پلاٹوں کی بندربانٹ الیکشن سے پہلے پری پول رگنگ ہے، الیکشن کمیشن اس کا نوٹس لے۔ انہوں نے کہا کہ بلوچستان میں حکومت ناکام ثابت ہوئی ہے، دہشت گردوں کو کنٹرول نہیں کیا جاسکا، حکومت کی اتحادی جماعت ایم کیو ایم نے علیحدگی کے وقت الزام لگایا کہ پیپلز پارٹی دہشت گردوں کی سرپرستی کرتی ہے، یہ الزام کسی اپوزیشن جماعت نے نہیں لگایا، اگر پیپلز پارٹی سندھ کی حکومت بھی ناکام ہے تو کراچی میں امن کیسے ہوگا ۔
مزید خبریں :
لاہور میں 18سال بعد گرم ترین دن، پارہ کتنا رہا؟
40 منٹ پہلے
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
