06 اکتوبر ، 2024 
دنیا کا سب سے چھوٹا روبک کیوب جس کی قیمت حیران کن ہے
06 اکتوبر ، 2024
جاپان میں ایک ایسا ننھا روبک کیوب تیار کیا گیا ہے جسے حل کرنے کے لیے آپ کو چمٹیوں کی ضرورت ہوگی۔
ایک کمپنی نے اسے تیار کیا ہے جسے آئندہ سال فروخت کے لیے پیش کیا جائے گا۔
اس کیوب کو المونیم سے تیار کیا گیا ہے اور اس کے ہر چہرے کی چوڑائی 0.2 انچ ہے۔
مجموعی طور پر 5 ملی میٹر چھوٹے اسے روبک کیوب کو حل کرنا آسان نہیں کیونکہ آنکھوں پر کافی زور ڈالنا پڑتا ہے۔
اس کا وزن بھی محض 0.3 گرام ہے اور اس کی تیاری 2022 سے کی جا رہی تھی۔
گنیز ورلڈ ریکارڈز نے اسے دنیا کا سب سے چھوٹا روٹیٹنگ پزل کیوب قرار دیا ہے۔
دیکھنے میں تو یہ کیوب بہت چھوٹا ہے مگر اس کی قیمت بہت بڑی ہے۔
اس خریدنے کے لیے آپ کو 5320 ڈالرز (لگ بھگ 15 لاکھ پاکستانی روپے کے قریب) خرچ کرنا ہوں گے۔
ہر کیوب کے ساتھ ایک اسٹینڈ بھی دیا جائے گا جس پر لکھا ہوگا کہ یہ دنیا کا سب سے چھوٹا روبک کیوب ہے۔
اس روبک کیوب کو اس کھلونے کے 50 سال مکمل ہونے کے موقع پر تیار کیا گیا ہے۔
خیال رہے کہ ہنگری سے تعلق رکھنے والے Erno Rubik نے 1974 میں ایسا پہلا کھلونا تیار کیا تھا۔
اب تک دنیا بھر میں 50 کروڑ سے زائد روبک کیوب فروخت ہوچکے ہیں۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
