27 اکتوبر ، 2024 
بھارت: جہازوں میں بم کی جھوٹی اطلاع کے بعد ہوٹلوں کو بھی بم سےاڑانے کی دھمکیاں ملنے لگیں
27 اکتوبر ، 2024
بھارتی شہر لکھنو کے 10 ہوٹلوں کو ای میل کے ذریعے بم سے اڑانے کی دھمکیاں موصول ہوئی ہیں۔
بھارتی میڈیا کے مطابق ریاست اتر پردیش کے شہر لکھنو کے 10 ہوٹلوں کو ایک ای میل موصول ہوئی جس میں ہوٹل انتظامیہ سے 46 لاکھ بھارتی روپے کا تاوان مانگا گیا اور تاوان کی عدم ادائیگی کی صورت میں ہوٹل کو بم سے اڑانے کی دھمکی دی گئی۔
خبر کے مطابق ای میل میں کہا گیا کہ 'بم آپ کے ہوٹل میں ایک سیاہ رنگ کے بیگ کے اندر چھپا کر رکھے گئے ہیں، اگر مجھے 55 ہزار ڈالر (تقریباً 46 لاکھ بھارتی روپے) ادا نا کیے گئے تو میں بم دھماکا کردوں گا'۔
بھارتی میڈیا کے مطابق دھمکی آمیز ای میل میں مزید کہا گیا کہ 'بم ناکارہ بنانے کی کسی بھی کوشش کی صورت میں بم از خود پھٹ جائے گا'۔
واضح رہے کہ بھارت میں گزشتہ دنوں مسافر جہازوں میں بھی بم ہونے کی جھوٹی اطلاع دی گئیں تھی، 100 زائد مسافروں طیاروں میں ایل میلز اور سوشل میڈیا کے ذریعے بم ہونے کی غلط خبریں موصول ہوئی تھیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
4 گھنٹے پہلے
غزہ پر اسرائیلی بمباری سے مزید 38 فلسطینی شہید
6 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
