05 مارچ ، 2025 
برطانیہ کے دارالعوام کی جانب سے افطار کا اہتمام، تاریخ میں پہلی بار برطانوی وزیراعظم کی شرکت
05 مارچ ، 2025
برطانیہ کے دارالعوام کی جانب سے افطار ڈنر کا اہتمام کیا گیا، تاریخ میں پہلی بار بر طانوی وزیراعظم نے بھی شرکت کی۔
غیر ملکی میڈیا کے مطابق منگل کو رمضان المبارک کی مناسبت سے آل پارٹی پارلیمانی گروپ برائے برطانوی مسلمان کی میزبانی میں ہونے والے افطار ڈنر میں وزیر اعظم سر کیئر اسٹارمر نے خصوصی شرکت کی۔
دارالعوام کی جانب دیے جانے والے افطار ڈنر میں اراکین پارلیمنٹ، انٹرفیتھ رہنماؤں نے بھی شرکت کی۔
اس موقع پر تلاوت کلام پاک کے بعد رمضان کی اہمیت اجاگر کی گئی۔
برطانوی وزیر اعظم سرکیئر اسٹارمر نے کہا کہ وہ جانتے ہیں کہ غزہ جنگ کےدوران برطانیہ کی مسلم کمیونٹی کس مشکل صورتحال محسوس کی۔
انہوں نے کہا کہ میری ہرممکن کوشش ہے کہ غزہ میں ضرورت مندوں کو امداد پہنچے۔
وزیر اعظم سر کیئر اسٹارمر نے برطانوی مسلمانوں کا شکریہ ادا کیا کہ وہ اپنا بہترین کردار ادا کر رہے ہیں۔
