15 نومبر ، 2024 
پاکستانی مداح نے کنسرٹ میں میکا سنگھ کو کروڑوں مالیت کے قیمتی تحائف دے دیے
15 نومبر ، 2024
بالی وڈ کے معروف گلوکار میکا سنگھ کو کنسرٹ میں پاکستانی مداح نے کروڑوں مالیت کے قیمتی تحائف دے دیے۔
بھارتی میڈیا کے مطابق گلوکار میکا سنگھ کو حال ہی میں امریکا میں اپنے کنسرٹ کے دوران پاکستانی مداح کی جانب سے قیمتی تحائف دیے گئے۔
انسٹاگرام پر شیئر کی گئی ایک ویڈیو میں میکا سنگھ کو اسٹیج پر یہ تحائف وصول کرتے ہوئے دیکھا جا سکتا ہے۔
بھارتی میڈیا کے مطابق میکا سنگھ جب اسٹیج پر پرفارم کر رہے تھے تو پاکستانی مداح نے ہجوم میں سے چین لہرا کر گلوکار کی توجہ حاصل کی۔ اس کے بعد وہ مداح اسٹیج پر میکا کے پاس آیا اور تحائف پیش کیے۔ اس نے سونے کی چین میکا کے گلے میں پہنائی، ایک قیتمی گھڑی پیش کی اور ساتھ ہی ہیروں کی انگوٹھیاں بھی دیں۔
بھارتی میڈیا کے مطابق ان تحائف کی مجموعی مالیت تقریباً 3 کروڑ بھارتی روپے بتائی جارہی ہے۔
میکا سنگھ نے اپنے مداح کے اس جذبے کو سراہا اور ویڈیو کو انسٹاگرام پر شیئر کیا۔ انہوں نے ویڈیو کے ساتھ دل والے ایموجیز اور کیپشن لکھا' میرے بھائی، اس خوبصورت تحفے کے لیے شکریہ'۔
سوشل میڈیا صارفین نے میکا سنگھ کے مداح کے اس جذبے کو بے حد سراہا۔ ایک صارف نے کمنٹ سیکشن میں لکھا کہ مداح ہو تو ایسا۔
واضح رہے کہ میکا سنگھ نے حالیہ دور کے بالی وڈ کے کئی مشہور گانے گائے ہیں۔ ان گانوں میں 'آج کی پارٹی'، 'چنتا تا تا چتا چتا' اور دیگر شامل ہیں۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
