14 دسمبر ، 2024 
دنیا
فوٹو: کنزرویٹو پوسٹ
لندن: وراثتی ٹیکس کیخلاف کسانوں کا احتجاج، ٹریکٹرز لاکر لندن کی سڑکوں کو بلاک کردیا
14 دسمبر ، 2024
لندن میں کسانوں نے وراثتی ٹیکس کے خلاف احتجاج کے دوران سینٹرل لندن کی سڑکوں کو ٹریکٹرز سے بلاک کردیا۔
وراثتی ٹیکس کے خلاف احتجاج کرتے ہوئے کسان اپنے ٹریکٹر لے کر پارلیمنٹ پہنچ گئے۔
کسانوں کا کہنا تھا کہ اس ٹیکس کی وجہ سے وہ اپنی زمینیں بیچنے پر مجبور ہیں، جس سے نہ صرف ان کی ذاتی معیشت متاثر ہو رہی ہے بلکہ زرعی پیداوار اور خوراک کی فراہمی بھی خطرے میں پڑ گئی ہے۔
لندن میں احتجاج کرتے ہوئے کسان مظاہرین نے برطانوی وزیراعظم کئیر اسٹارمر سے ٹیکس واپس لینے کا مطالبہ کیا۔
حکومت کا کہنا ہے کہ وراثتی ٹیکس پالیسی پر کوئی یو ٹرن نہیں ہوگا، وراثتی ٹیکس کے نئے قوانین کے تحت 2026 سے 10 لاکھ پاؤنڈ سے زیادہ مالیت والے فارم پر 20 فیصد ٹیکس ادا کرنا ہوگا۔
