ہائی بلڈ پریشر کا خطرہ ظاہر کرنے والی علامات اور نشانیاں

خون کا دباؤ یا بلڈ پریشر سے یہ معلوم ہوتا ہے کہ شریانوں سے کتنی مقدار میں خون گزر رہا ہے۔

ہائی بلڈ پریشر یا فشار خون کا سامنا اس وقت ہوتا ہے جب شریانوں سے گزرنے والے خون کا دباؤ مسلسل بہت زیادہ ہو۔

ہائی بلڈ پریشر کو خاموش قاتل مرض قرار دیا جاتا ہے کیونکہ اس کے شکار افراد کو اکثر اس کا علم ہی نہیں ہوتا۔

خون کی شریانیں تنگ ہو جائیں تو خون کا بہاؤ محدود ہو جاتا ہے۔

سردیوں میں نزلہ زکام عام کیوں ہوجاتا ہے؟ سائنس کی رائے جان لیں

یہ سب کو معلوم ہے کہ جب ہوا سرد ہوتی ہے تو نزلہ زکام یا فلو وغیرہ کا امکان بڑھ جاتا ہے۔

شریانیں جتنی زیادہ تنگ ہوں گی، بہاؤ اتنا کم اور بلڈ پریشر اتنا زیادہ ہوگا۔

وقت کے ساتھ یہ دباؤ بڑھ کر مختلف طبی مسائل جیسے امراض قلب، ہارٹ اٹیک یا فالج کا باعث بن سکتا ہے۔

بلڈ پریشر کا مسئلہ بہت عام ہے اور پاکستان سمیت دنیا بھر میں کروڑوں افراد اس کے شکار ہیں۔

ہائی بلڈ پریشر سے خون کی شریانیں اور اعضا بالخصوص دماغ، دل، آنکھیں اور گردوں کو نقصان پہنچتا ہے۔

پیٹ پھولنے اور گیس کے مسئلے سے نجات دلانے والی بہترین غذائیں

چند عام غذاؤں کے استعمال سے پیٹ پھولنے کے مسئلے سے بچنے میں مدد ملتی ہے۔

فشار خون کی تشخیص جلد ہونے سے اس کو کنٹرول کرنے میں مدد ملتی ہے۔

یہی وجہ ہے کہ اس کی ممکنہ علامات اور خطرہ بڑھانے والی نشانیوں کے بارے میں جاننا ضروری ہے۔

طبی ماہرین اکثر 40 سال کی عمر کے بعد لوگوں کو ہر سال کم از کم ایک بار بلڈ پریشر چیک کرانے کا مشورہ دیتے ہیں۔

تو ان نشانیوں اور علامات کے بارے میں جانیں جو بلڈ پریشر کے خطرے کی نشاندہی کرتے ہیں۔

وہ غذائیں جن کو پکانے سے قبل دھونا نہیں چاہیے

کچھ غذاؤں کو دھونا بہت ضروری ہوتا ہے مگر تمام غذاؤں کو کھانے یا پکانے سے قبل دھونا ضروری نہیں۔

آپ کا جسمانی وزن زیادہ ہے

ہائی بلڈ پریشر کے 65 سے 78 فیصد کیسز میں موٹاپے کو بنیادی وجہ دریافت کیا گیا ہے۔

طبی ماہرین کے مطابق کچھ وقت کے لیے بھی جسمانی وزن میں اضافے سے بلڈ پریشر میں خطرناک حد تک اضافہ ہوتا ہے۔

اچھی بات یہ ہے کہ جسمانی وزن میں کمی لانے سے ہائی بلڈ پریشر سے متاثر ہونے کا خطرہ گھٹ جاتا ہے، درحقیقت وزن میں چند کلوگرام کمی سے بھی بلڈ پریشر میں نمایاں کمی آتی ہے۔

گردوں میں پتھری کا خطرہ کیسے کم کریں؟

زیادہ تر جن افراد کو ایک بار گردوں میں پتھری کا سامنا ہوتا ہے، انہیں مستقبل میں بھی کم از کم ایک بار ضرور اس عارضے کا علاج کرانا پڑتا ہے۔

تمباکو نوشی کرتے ہیں

تمباکو نوشی سے عارضی طور پر بلڈ پریشر اور دل کی دھڑکن کی رفتار میں اضافہ ہوتا ہے۔

مگر اس کے ساتھ ساتھ یہ عادت خون کی شریانوں کو تنگ اور سخت بناتی ہے جس سے ہائی بلڈ پریشر کے دائمی عارضے کا خطرہ نمایاں حد تک بڑھ جاتا ہے۔

ماہرین کے مطابق سگریٹ میں موجود نکوٹین سے بلڈ پریشر بڑھتا ہے اور شریانوں کو نقصان پہنچتا ہے اور ہارٹ اٹیک سمیت فالج کا خطرہ بڑھتا ہے۔

تحقیقی رپورٹس میں بھی دریافت کیا گیا کہ تمباکو نوشی کے عادی افراد میں ہائی بلڈ پریشر کا خطرہ سب سے زیادہ ہوتا ہے، البتہ اس عادت کو ترک کرنے سے اس خطرے میں کمی لانا ممکن ہے۔

بالوں کی خشکی دور کرنے کیلئے بہترین طریقے جانیں

اس مسئلے کے حل کے لیے شیمپو کا استعمال عام ہوتا ہے مگر گھر میں موجود چند عام چیزوں سے بھی اسے کنٹرول کیا جاسکتا ہے۔

60 سال سے زائد عمر

عمر میں اضافے کے ساتھ خون کی شریانیں قدرتی طور پر سخت ہونے لگتی ہیں جس سے بلڈ پریشر میں اضافہ ہوتا ہے۔

ایسا ان افراد کے ساتھ بھی ہوتا ہے جو ہمیشہ صحت مند طرز زندگی پر عمل کرتے ہیں۔

ماہرین کے مطابق 60 سال سے زائد عمر کے افراد میں ہائی بلڈ پریشر میں اضافہ دیکھنے میں آتا ہے، اگرچہ اس کا خطرہ 40 سال کی عمر کے ہی بڑھنے لگتا ہے، یہی وجہ ہے کہ لوگوں کو اکثر بلڈ پریشر ٹیسٹ کرانے کا مشورہ دیا جاتا ہے۔

60 سال سے زائد عمر کے 60 فیصد افراد ہائی بلڈ پریشر کے شکار ہوتے ہیں۔

ایڑیاں پھٹنے سے پریشان؟ تو اس سے نجات دلانے والے بہترین طریقے جانیں

یہ پیروں کا بہت عام مسئلہ ہے اور لگ بھگ ہر 100 میں سے 20 افراد کو اس کا سامنا ہوتا ہے۔

پراسیس غذاؤں کا استعمال

آپ دبلے پتلے ہوں یا موٹاپے کے شکار، اگر آپ پراسیس غذاؤں کا زیادہ استعمال کرتے ہیں تو ہائی بلڈ پریشر کے لیے تیار رہنا چاہیے۔

پراسیس غذاؤں سے میٹابولک سسٹم متاثر ہوتا ہے جس سے بلڈ پریشر بڑھتا ہے۔

تحقیقی رپورٹس میں دریافت کیا گیا کہ الٹرا پراسیس غذاؤں کے استعمال اور ہائی بلڈ پریشر کے درمیان تعلق موجود ہے۔

6 گھنٹے سے کم نیند سے جسم پر کیا اثرات مرتب ہوتے ہیں؟

یہ ایک عادت متعدد امراض کا شکار بناسکتی ہے جبکہ دیگر مسائل الگ ہیں۔

سر چکرانے کا احساس

ہائی بلڈ پریشر کے شکار کچھ مریضوں کی جانب سے سر چکرانے اور حواس گم ہونے کو رپورٹ کیا جاتا ہے۔

عام طور پر اکثر افراد اسے نظر انداز کر دیتے ہیں مگر یہ بلڈ پریشر میں اضافے کی علامت ہوسکتی ہے۔

سینے میں تکلیف

سینے میں تکلیف بھی ہائی بلڈ پریشر کی ایک علامت ہے۔

روزانہ کچھ مقدار میں مونگ پھلی کھانے سے صحت پر کیا اثرات مرتب ہوتے ہیں؟

مونگ پھلی کو مختلف شکلوں میں کھایا جاتا ہے مگر کیا یہ صحت کے لیے فائدہ مند ہے؟

ماہرین کے مطابق سینے میں مسلسل کھچاؤ، دباؤ یا تنگی کا احساس بلڈ پریشر میں اضافے کا اشارہ ہوسکتا ہے۔

ایسا اس وقت ہوتا ہے جب عارضی طور پر دل کی جانب خون کا بہاؤ گھٹ جاتا ہے جس سے سینے میں تکلیف ہوتی ہے اور وقت گزرنے کے ساتھ یہ مسئلہ انجائنا کی شکل اختیار کرلیتا ہے۔

سر درد

سر درد کو بیشتر افراد نظر انداز کر دیتے ہیں مگر جب اس کا تسلسل برقرار رہے تو یہ بھی بلڈ پریشر میں اضافے کی نشانی ہوسکتی ہے۔

ماہرین کے مطابق سوئیاں چبھنے جیسا سر درد فشار خون کی جانب اشارہ ہوسکتا ہے اور ایسا اس وقت ہوتا ہے جب بلڈ پریشر بہت زیادہ بڑھ گیا ہو۔

آدھے سر کے درد کو آپ سے دور رکھنے میں مددگار آسان ٹپس

اس تکلیف کے ساتھ کچھ بھی کرنا بہت مشکل ثابت ہوتا ہے اور کسی کو معلوم نہیں کہ اس کا سامنا کب ہو جائے۔

کانوں میں گھنٹیاں بجنا

کانوں میں گھنٹیاں بجنے کو بھی ہائی بلڈ پریشر سے منسلک کیا جاتا ہے، خاص طور پر معمر افراد میں۔

کچھ تحقیقی رپورٹس میں دریافت کیا گیا کہ کانوں میں گھنٹیاں بچنے کے مسئلے کا سامنا کرنے والے 44 فیصد افراد ہائی بلڈ پریشر کے بھی شکار ہوتے ہیں۔

بینائی متاثر ہونا

بینائی دھندلا جانے کو بھی ہائی بلڈ پریشر کی ایک علامت قرار دیا جاتا ہے۔

ایسا اس وقت ہوتا ہے جب ہائی بلڈ پریشر سے آنکھوں میں موجود خون کی شریانوں کو نقصان پہنچا ہو۔

ذیابیطس کا شکار ہونے کا عندیہ دینے والی عام علامات

ذیابیطس کی 2 اہم اقسام ٹائپ 1 اور ٹائپ 2 ہیں اور ان دونوں کی ابتدائی اہم علامات ایک جیسی ہوتی ہیں۔

بینائی میں اچانک آنے والی تبدیلیوں سے بھی ہائی بلڈ پریشر کا عندیہ ملتا ہے۔

دیگر علامات

ناک سے خون بہنا، تھکاوٹ یا الجھن، سانس لینے میں مشکلات، دل کی دھڑکن میں بےترتیبی، بہت زیادہ پسینہ بہنا، سونے میں مشکلات, چہرہ بہت زیادہ سرخ ہوجانا اور پیشاب میں خون آنے جیسی علامات کو بھی ہائی بلڈ پریشر سے منسلک کیا جاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔