27 دسمبر ، 2024 
پاکستان
انکم ٹیکس آرڈیننس کے ذریعے بینکوں کے 70 ارب روپے کے اضافی منافع پر ٹیکس وصولی ہوگی: ذرائع— فوٹو:فائل
وفاقی کابینہ نے مدارس رجسٹریشن اورانکم ٹیکس آرڈیننس کی منظوری دے دی
27 دسمبر ، 2024
وفاقی کابینہ نے دو صدارتی آرڈیننس کی منظوری دے دی۔
وزیر اعظم شہباز شریف کی زیر صدارت وفاقی کابینہ کا اجلاس ہوا جس میں ملکی معاشی و سیاسی صورتحال پر غور کیا گیا۔
ذرائع نے بتایاکہ وفاقی کابینہ نے دو صدارتی آرڈیننس کی منظوری دی۔ ذرائع کا کہناتھاکہ وفاقی کابینہ نے مدارس رجسٹریشن کے حوالے سے سوسائٹیز رجسٹریشن ترمیمی آرڈیننس کی منظوری دے دی۔
ذرائع کے مطابق وفاقی کابینہ نے انکم ٹیکس آرڈیننس کی بھی منظوری دے دی، آرڈیننس کے ذریعے بینکوں کے 70 ارب روپے کے اضافی منافع پر ٹیکس وصولی ہوگی۔
کابینہ کی منظوری کے بعد صدارتی آرڈیننس جاری کردیے جائیں گے۔
