09 جنوری ، 2025 
پاکستان
ملالہ یوسفزئی ایجوکیشن کانفرنس میں شرکت کیلئے پاکستان آئیں گی
09 جنوری ، 2025
نوبیل انعام یافتہ ملالہ یوسفزئی ایجوکیشن کانفرنس میں شرکت کے لیے پاکستان آئیں گی۔
وفاقی سیکرٹری تعلیم محی الدین وانی کے مطابق ملالہ یوسفزئی 11 اور 12 جنوری کو ہونے والی 2 روزہ کانفرنس میں بطور مہمان خصوصی شرکت کریں گی۔
محی الدین وانی کے مطابق 2 روزہ کانفرنس کا عنوان مسلم ممالک میں بچیوں کی تعلیم ہے۔
خیال رہے کہ سوات میں سال 2012 میں طالبان کی جانب سے حملے میں زخمی ہونے کے بعد ملالہ یوسفزئی بیرون ملک چلی گئی تھیں جس کے بعد سے وہ 2 مرتبہ پاکستان آچکی ہیں۔
