02 مارچ ، 2013 
11 مارچ کو گیس پائپ لائن کی تعمیر کا سنگ بنیاد رکھا جائے گا: ڈاکٹر عاصم
02 مارچ ، 2013
لاہور…مشیر پٹرولیم ڈاکٹر عاصم حسین نے کہا ہے کہ 11 مارچ کو ایرانی سرحد سے گیس پائپ لائن کی تعمیر کا سنگ بنیاد رکھا جائے گا اور اسی روز گوادر میں آئل ریفائنری کے قیام کے لیے ایران سے معاہدے پر دستخط بھی کیے جائیں گے۔ مشیر پٹرولیم ڈاکٹر عاصم حسین نے جیو نیوز کو بتایا کہ ایران سے گیس کی درآمد کے لیے پاکستان کے حصے میں 781 کلومیٹر طویل پائپ لائن پچھائی جائے گی جس کا سنگ بنیاد رکھنے کی تقریب پاک ایران سرحد ی علاقے گبد میں ہو گی اور یہیں سے پاکستان میں آنے والی گیس پائپ لائن کی تعمیر شروع کی جائے گی جو نواب شاہ تک جائے گی۔ مشیر پٹرولیم نے بتایا کہ پائپ لائن کی تعمیر کے لیے ایرانی کمپنی تد بیر کے ساتھ تمام امور طے پاگئے ہیں، منصوبے پر ڈیڑھ ارب ڈالر کی لاگت کا تخمینہ ہے۔ مشیر پٹرولیم نے بتایا کہ سنگ بنیاد رکھنے کی تقریب کے بعد پاکستان اور ایران کے درمیان گوادر میں آئل ریفائنری کے قیام کا معاہدہ بھی کیا جائے گا، اس آئل ریفائنری کی صلاحیت یومیہ 4 لاکھ بیرل تک ہو گی۔
مزید خبریں :
سونے کی فی تولہ قیمت سیکڑوں روپے کم ہوگئی
16 جون ، 2025
اسٹیٹ بینک کا شرح سود 11 فیصد پر برقرار رکھنے کا اعلان
16 جون ، 2025
حکومت نے پیٹرولیم مصنوعات کی قیمتوں میں اضافہ کردیا
15 جون ، 2025
